آيتن عامر تتصدر «التريند» بسبب والدها والذكاء الاصطناعي

تصدرت الفنانة آيتن عامر التريند بعد مشاركتها صور تجمعها بوالدها عبر حسابها الرسمي بموقع التواصل الاجتماعي "فيسبوك" بخاصية الذكاء الاصطناعي الـ «Ai»، ونالت على إعجاب وتفاعل كبير من متابعيها.

آيتن عامر تتصدر ترند جوجل

كتبت آيتن- عن حبها واشتياقها لوالدها- "وحشتنى أوى أوى أوى وحقيقي محتاجالك، الدنيا مش حلوة يا بابا ولا الناس كمان، كل مرة بتحط في إختبار صعب أو أزمة مفيش حد بيجيي في دماغي غيرك، أول واحد بيبقى نفسي أجري عليه و أقوله إلحقني بيبقى أنت، وجودك كان هيفرق أوى أوى، يمكن عمري ما قولت إن غيابك مسببلي أزمة كبيرة ولا قولت اللى جوايا، بس هييجى يوم وأبقى قوية كفاية أنى بواجه وجع قلبي وأطلع كل الكلام اللي جوايا ومقولتهوش".

رسالة آيتن عامر لوالدها

 وأعربت آيتن عن حزنها: "زعلانة منك في حاجات ومفتقداك في حاجات أكتر بكتير، ومتأكدة إن لو كنت موجود كنت هتبقى السند بس غيابك خلاني أنا السند لنفسي وللي حواليا كمان، لأن فيا منك كتير خصوصًا قوتك وجدعنتك مع الكل، بس أنا تعبت من كتر القوة وزهقت مبقتش عايزة أدخل حروب ولا عايزة مشاكل، اللي عايز يفهم حاجة يفهمها واللي عايز ياخد فكرة ياخدها لا هبرر ولا هدافع".

صور آيتن عامر مع والدها 

وأضافت آيتن: "بس أتطمن بنتك بميت راجل و مهما قابلت هتفضل واقفة وراسها في السما هتاخد استراحة محارب وعمرها ما هتبدأ حروب بس دايمًا هتكون مستعدة وجاهزة لأى حاجة و ساعتها مش هيكون في إحتمالية للخسارة .

واختمت: "بحبك وحشتنى وزعلانة منك ومشبعتش منك و جوايا وجع كبير بس مش هقولك غير كلمة واحدة ،اتطمن بنتك قدها، الترند صورة متصورتهاش دة منتشر أوي اليومين دول وأول ما السوشيال ميديا تيم بعتولى الصورة لقتنى بكتب كلام كتير من قلبي  وجوايا أكتر من كدة مليون مرة وعندي صور كتير أوى ناقصها وجود بابا حقيقي ،اسفة لو طولت عليكوا شكلى فضفضت اوى".

آخر أعمال آيتن عامر الدرامية

وكان آخر أعمال آيتن عامر الدارمية، مسلسل “الحلانجي”، الذي عرض في موسم دراما رمضان الماضي لعام 2025، وتكون العمل من 30 حلقة، وقام ببطولته الفنان محمد رجب، ولاقي العمل تفاعلًا واسعًا من الجمهور وقت عرضه.

أبطال مسلسل الحلانجي

وضم مسلسل “الحلانجي” إلي جانب محمد رجب، كل من آيتن عامر، عبير صبري، دانا حلبي، محمد لطفي، أحمد وفيق، محمود قابيل، طارق صبري، ميمي جمال، سامح الصريطي، إيناس النجار، وإبراهيم السمان وغيرهم من نجوم الفن، والعمل من تأليف محمود حمدان، إخراج معتز حسام، وإنتاج ممدوح شاهين.

أحداث مسلسل الحلانجي 

ودارت أحداث مسلسل “الحلانجي” في إطار اجتماعي لايت، ظهر خلاله محمد رجب بشخصية طه وهو نصاب وقدمت ميمي جمال شخصية والدته، بينما ظهر محمود قابيل بشخصية رجل أعمال، ويدم عمرو رجب شقيق محمد رجب شخصية رجل شرير اسمه حماده سبرتو، وحمل العمل مفاجآت عديدة.