زوجتي ماشفتش مني غير التعب.. أبرز تصريحات باسم يوسف في «كلمة أخيرة»
تصدر الإعلامي باسم يوسف مؤشر البحث جوجل خلال الساعات الماضية وذلك بعد عرض حلقته الثانية في برنامج كلمة أخيرة عبر فضائية on.
وتحدث من خلالها عن ردود أفعال الجمهور على ظهوره بعد فترة كبيرة من الغياب الإعلامي، متطرقاً للحديث عن زوجته ووقوفها بجواره في الظروف الصعبة التي مر بها أثناء هجرته لأمريكا.. وفي التقرير التالي نرصد أبرز تصريحات باسم يوسف.
أبرز تصريحات باسم يوسف في برنامج كلمة أخيرة
-فيه ردود أفعال كتير وكنت متوقع يكون فيه ردود أفعال مختلفة.
-أكتر حاجة مش هقول ضحكتني هقول استغربتها يقولك إيه ده! ده مش باسم.
-أنا معدتش باسم بتاع 2011. أنا واحد عنده 51 سنة عندي حياة مختلفة وظروف مختلفة.
-مصر نفسها بتتغير والظروف والأحاسيس بتتغير.
-أنا مقدر وممتن إن الناس عايزة باسم بتاع البرنامج.
-في الحقيقة الناس مش عاوزة باسم ولا البرنامج.
-ماما قالت لي: علّمني إزاي أدخل على يوتيوب علشان أشوف الفيديوهات بتاعتك وكانت أسوأ غلطة في حياتي.
-ماما قالت لي: يا باسم الناس بتشتمني وكانت زعلانة جدًا.
-أمي بني آدمة طبيعية شافت ناس بتشتمها لمجرد إنها أم واحد بيعمل محتوى على يوتيوب.
-أنا راضي عن اللي أنا فيه الحمد لله.
-ما أقدرش أقول إذا كان الجمهور بيحبني أو شايفني رمز من الماضي.
-أنا بقدم سلعة أو خدمة وفي كل مرة بتقدم المنتج بيحصل بطريقة ديمقراطية وتلقائية استفتاء من المتلقيين.
-اللي لسه بيحبني مراتي وولادي والقطط ومصر مش بس الإخوان و30 يونيو.
-مش فاهم يعني إيه دافع شخصي علشان بدافع عن غزة بسبب مراتي؟.
-ملايين الناس بتتظاهر وبتصرخ مش معقول كلهم دافعهم شخصي.
-والد مراتي فلسطيني من غزة ووالدتها من المنصورة خدت الحلو من هنا على الحلو من هنا.
-مراتى نفسها أبطل أطلع اتكلم في الإعلا، بتقولي بطل كلام مش ناقصين. خايفة علينا كعيلة.
-هالة مراتي شافت كتير واتعذبت معايا والشهرة جابت ليها وجع دماغ كبير.
-احنا اتجوزنا قبل الثورة بشهرين ومن أول يناير 2011 كل حاجة اتغيّرت.
-أنا اتشهرت وحققت نجاح لكن مراتي ما شافتش إلا قلق وشد أعصاب وخوف.
-أنا عاوز استغل الفرصة وأقول لمراتي: آسف على المقلب اللي شربتيه.
-الناحية المادية طبعا الظروف كانت لطيفة لكن عيلتي مش بيشوفوا مني غير غيابي.
-الحياة خليط من التعب واليأس وشوية فرحة زي سكر بره.