سيدة نبروه: جوزي مكنش طبيعي أخر أيامه وكان بيتحول لإنسان تاني
خرجت «سيدة نبروه»، الناجية من الحادث المأساوي الذي هز الرأي العام قبل أسابيع، في بث مباشر عبر صفحتها على “فيسبوك” لتكشف تفاصيل غير متوقعة عن حياتها مع زوجها الراحل قبل وقوع الجريمة التي أودت بحياة أسرته.
وأكدت السيدة، أن زوجها لم يكن بطبيعته في الأيام الأخيرة، قائلة: “جوزي مكنش طبيعي، كان بيبرق بعينه ويتحوّل فجأة ويبقى إنسان تاني خالص، معرفش إن كان مسحور ولا عنده انفصام أو مريض نفسي، بس اللي حصل دا مش طبيعي أبدًا”.
تابعت السيدة قائلة: “أنا بترحم عليه وبقول الله يرحمه، لأنه مستحيل يكون بكامل وعيه، عمره ما كان ممكن يعمل كدا وهو طبيعي، دا إنسان كان بيعاني، ومفيش راجل عاقل يقتل مراته وولاده وينتحر بالشكل دا”.
وأضافت أنها رغم كل ما مرت به، لا تحمل في قلبها كراهية له، مؤكدة: “عمره ما كان راجل وحش، دا كان جوزي وحب عمري، ومطلبتش الطلاق علشان أسيبه، أنا كنت محتاجة راحة بس، كنت شايلة مسؤوليات فوق طاقتي”.
كنت إنسانة مش روبوت
أوضحت سيدة نبروه أنها كانت تمر بضغوط كبيرة، قائلة: “أنا شايلة ولادي من جوازي الأول، وأولاده، وكمان أولاد أختي.. كل دا حمل تقيل، أنا إنسانة مش روبوت، وكنت في ضغط نفسي رهيب”.
وأشارت إلى أنها كانت تمتلك محل أدوات منزلية لتلبية احتياجات أولادها، مضيفة: “هو سلفني 60 ألف جنيه علشان أكبر المحل، ولما ورثت من بيت أبوي رجعتهم له، عمره ما حرمني من حاجة، وطلباتي كانت كلها مجابة، وما خبيش عليّ سر في حياته”.
عايشة علشان خاطر الأولاد
تابعت سيدة نبروه حديثها عن أولاد زوجها قائلة: “كنت بحب أولاده زي أولادي بالضبط، والبنت الصغيرة كانت بتخاف وبتكتب إنها عايشة مع مرات عمها، وأنا اللي كنت أديتها الأمان، وكنت مهتمة بنضافتهم وتعليمهم، وكنت بعيش علشان خاطرهم مش علشان نفسي”.
كما أضافت قائلة إنها ضحت كثيرًا من أجل البيت والأولاد، وإنها لما رجعت بعد الطلاق، وافقت تعيش في شقة أقل في الإمكانيات لكنها اختارت الهدوء والاستقرار، قائلة: “محبتش تخرب على نفسها، ورضيت تعيش بأي طريقة علشان تكمّل وتتحمل”.
وقال سيدة نبروه في حديثها باكية: “بعد كل اللي حصل، الناس اتهموني وقالوا إني السبب وإن أنا اللي وصلت جوزي لكده، مع إني كنت بحبه ومخلية حياته كلها هدوء. أنا مربية كلب، ولو حد شتمه بزعل، فإزاي أكون مبسوطة إن حد بيشتم في جوزي؟ دا كان جوزي وصاحبي، بس والله ما كان طبيعي في آخر أيامه”.