الأهلي بيضيع.. نجوم القلعة الحمراء يفتحون النار على فريق الكرة
فتح نجوم الكرة السابقين بالنادي الأهلي، النار على لاعبي الفريق الأول بعد التعادل مع إنبي، أمس الأحد، بالدوري المصري الممتاز.
"إيجبيتك" يستعرض أبرز تصريحات نجوم الأهلي السابقين، في التقرير التالي:
وقال شريف عبدالفضيل، في تصريحات تليفزيونية حول اللقاء :" كلنا محبطين، لاعيبة منتخبات ياما لعبوا ماتشات كبيرة، لاعيبة الأهلي مهزوزه بشكل غير طبيعي، في حاجه غلط، لاعيبة بالاماكانيات دي متوتره وبتباصي غلط، اللعيبة لازم تراجع نفسها، تخيل انت اساسيات كرة القدم غايبة".
وتابع :" دي مشكلة كبيرة، المدير الفني هيعالجها ازاي! ، دي شخصية لاعيبة، متوتر وانت بتلاعب انبي، لاعيبة مهزوزه وخايفه، لاعيبة عشوائيه في قراراتها، أنا أول مره اشوف الفرقه كده، اللعيبة دي هيبقي عندها مشكله كبيره في النادي المرحلة الجايه.".
فيما قال عادل عبدالرحمن :" أنا لو ماسك الفرقة في الوقت دا ، أقسم بالله اللاعيبة اللي بتبقى على الدكة دي لأخليهم يقعدوا وسط الجمهور عشان يشوفوا ازاي الجمهور دا بيمـوـت عشانكم ، عشان تحترموا نفسكم وتنزلوا في الملعب وتموتــوا نفسكم ".
وواصل :" اقعد وسط الجمهور وشوف المعاناة اللي الجمهور بيكون فيها وانتوا خسرانين في الملعب ، اللاعيبة مش حاسة بالجمهور ، لازم يكون في شوية خبط على صدر كل لاعب ، لأن احنا مش بنبقى على حد غير لـ اللي قلبه على فرقته".
بينما أكد سيد عبدالحفيظ، قائلا :" اول قرار لازم يتم ومش بفرض على حد.. لازم يتقفل ملف التجديد أو التمديد لأي لاعب، الاهلي عنده مشكلة ، المختصين هما اللي يقولوها .. مش عيب يبقي عندك مشكلة وتقول فيه مشكلة ولكن انك تكترها هي المشكلة".
وأردف :" اللاعبية دي لازم تعرف يعني ايه الاهلي وتيشيرت الاهلي ويعني ايه جمهور الاهلي .. قبل ما نحلل اداء اللاعبين ونتكلم في طرق اللعب .. لما نعرف اللاعيبة الاول يعني ايه الاهلي اللي عنده روح ونخوة".
زيزو يغيب عن لقاء الأهلي والزمالك
تلقى النادي الأهلي، صدمة قاسية بشأن إصابة لاعب الفريق الأول للكرة، أحمد سيد زيزو، والذي تعرض لإصابة خلال لقاء إنبي الذي أقيم مساء أمس الأحد.
وأظهرت الفحوصات الطبية، إن زيزو يعاني من إصابة في أعلى الفخذ والضامة، وسيغيب عن الملاعب لفترة لن تقل عن 3 أسابيع.
وبهذا سيفقد الأهلي، جهود زيزو بنسبة كبيرة في 4 مباريات (سيراميكا كليوباترا وحرس الحدود والزمالك وكهرباء الإسماعيلية).يستعد النادي الأهلي لمواجهة قوية أمام سيراميكا كليوباترا، ضمن منافسات بطولة الدوري المصري الممتاز، وذلك بعد تعادله الأخير مع إنبي بهدف لمثله. ويسعى المارد الأحمر إلى استعادة نغمة الانتصارات سريعًا وتصحيح المسار.
