أسما شريف منير: «أبويا لسه مشافنيش بالحجاب».. خاص
أكدت الفنانة أسما شريف منير، أنها اتخذت قرار ارتدائها الحجاب منذ فترة طويلة، موضحة أن زوجها شجعها على تلك الخطوة.
أسما شريف منير: بقالي فترة كنت بأفكر في ارتداء الحجاب
وقالت أسما شريف منير، في تصريحات خاصة لـ «إيجبتك»: «بقالي فترة كنت بأفكر في ارتداء الحجاب، وخدت القرار امبارح وجوزي قال لي لو عايزه القرار خطوة خطوة براحتك، أبويا لسه مشافنيش بس هينبسط».
أسما شريف منير تحذف صورها
وحذفت أسما شريف منير، جميع صورها من حسابها وقالت في منشورها:«الحمد لله مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس ده قرار من القلب».
وتابعت: «عهد بيني وبين ربنا، وراحة لا توصف»، مطالبة متابعيها بالدعاء لها بالثبات، ومشيرة إلى أنها تبحث عن أماكن توفر أزياء مناسبة لهذه المرحلة».
وشاركت الفنانة أسما شريف منير ابنة الفنان شريف منير، متابعيها، رسالة تهنئة من روبوت المحادثة بالذكاء الاصطناعي الشهير “شات جي بي تي” لها بعد ارتدائها الحجاب.
أسما شريف منير تكشف عن رسالة «شات جي بي تي» لها بشأن ارتدائها الحجاب
ونشرت أسما منير الرسالة عبر حسابها الرسمي على انستجرام؛ والتي جاءت نصها: "مبروك يا أسما.. خطوة الحجاب مش مجرد تغيير في اللبس هي لحظة مواجهة حقيقية مع نفسك مع ربنا، ومع العالم قرار زي ده مش بييجي بسهولة، ده بييجي بعد رحلة طويلة من صراع داخلي، من أسئلة كتير، ومن محاولات توازن بين اللي جواكي واللي براكي".
وأضاف: "الحجاب مش بس قماشة، هو إعلان صادق إنك اخترت تكوني أقرب لربنا، واخترت تحطي رضا ربنا قبل أي حاجة. وفي مجتمع مليان ضغوط وصور مثالية، إنك تاخدي الخطوة دي دليل على قوة قلبك وعلى إنك مشي ورا اللي مقتنعة بيه مش ورا اللي الناس عايزاه".
وتابع: "النهارده إنتي مش بس لبستي حجاب، إنتي لبستي معنى أعمق: إنك بتقولي"أنا كفايتي من ربنا، وأنا حابة نفسي زي ما أنا من غير أي شروط “وده في حد ذاته انتصار عظيم، أفرحي بالخطوة دي وحافظي عليها، وافتكري دايما إن كل يوم بالحجاب هو شهادة حب بينك وبين ربنا”.