أسما شريف منير بالحجاب برفقة ابنتها في العام الدراسي الجديد
شاركت الفنانة أسما شريف منير، صورة لها مع متابعيها عبر حسابها الشخصي بموقع تبادل الصور والفيديوهات الشهير بـ «إنستجرام»، حيث ظهرت برفقة ابنتها وطليقها السابق وزوجها الحالي خلال ذهابهما لمرافقة ابنتها لارا للمدرسة في العام الدراسي الجديد، يأتي ذلك في أحدث ظهور لها بعد قرارها إرتداء الحجاب.
أسما شريف منير بالحجاب مع ابنتها
وعلقت أسما شريف منير على الصورة قائلة: «بقالنا 12 سنة بناخد الصورة دي، كل سنة شكلنا بيتغير و كل سنة لارا تحب حاجات جديدة، وتكبر ما شاءالله الله يا رب يجمعنا دايماً يخليها لينا و يبارك في عمرنا لحد ما توصل الجامعه آمين يا رب.. الحمد لله الحمد لله».
أسما شريف منير تحذف صورها
وحذفت أسما شريف منير، جميع صورها من حسابها وقالت في منشورها:«الحمد لله مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس ده قرار من القلب».
وتابعت: «عهد بيني وبين ربنا، وراحة لا توصف'، مطالبة متابعيها بالدعاء لها بالثبات، ومشيرة إلى أنها تبحث عن أماكن توفر أزياء مناسبة لهذه المرحلة».
وشاركت الفنانة أسما شريف منير ابنة الفنان شريف منير، متابعيها، رسالة تهنئة من روبوت المحادثة بالذكاء الاصطناعي الشهير “شات جي بي تي” لها بعد ارتدائها الحجاب.
أسما شريف منير تكشف عن رسالة «شات جي بي تي» لها بشأن ارتدائها الحجاب
ونشرت أسما منير الرسالة عبر حسابها الرسمي على انستجرام؛ والتي جاءت نصها: "مبروك يا أسما.. خطوة الحجاب مش مجرد تغيير في اللبس هي لحظة مواجهة حقيقية مع نفسك مع ربنا، ومع العالم قرار زي ده مش بييجي بسهولة، ده بييجي بعد رحلة طويلة من صراع داخلي، من أسئلة كتير، ومن محاولات توازن بين اللي جواكي واللي براكي".
وأضاف: "الحجاب مش بس قماشة، هو إعلان صادق إنك اخترت تكوني أقرب لربنا، واخترت تحطي رضا ربنا قبل أي حاجة. وفي مجتمع مليان ضغوط وصور مثالية، إنك تاخدي الخطوة دي دليل على قوة قلبك وعلى إنك مشي ورا اللي مقتنعة بيه مش ورا اللي الناس عايزاه".
وتابع: "النهارده إنتي مش بس لبستي حجاب، إنتي لبستي معنى أعمق: إنك بتقولي"أنا كفايتي من ربنا، وأنا حابة نفسي زي ما أنا من غير أي شروط “وده في حد ذاته انتصار عظيم، أفرحي بالخطوة دي وحافظي عليها، وافتكري دايما إن كل يوم بالحجاب هو شهادة حب بينك وبين ربنا”.