طليقة عصام صاصا تكشف حقيقة تعرضها للضرب من الأخير بسبب ملابسها|صورة
كشفت البلوجر جهاد أحمد، طليقة مطرب المهرجانات عصام صاصا، حقيقة تعدي الأخير عليها بالضرب بسبب فستانها الذي ظهرت به في عيد ميلاد صديقتها، حيث ظهرت بشكل ملفت للغاية، وأشيع البعض أن الطلاق حدث بسبب فستانها.
حقيقة ضرب جهاد أحمد
وشاركت جهاد أحمد، عبر خاصية القصص المصورة بحسابها الرسمي بموقع تبادل الصور والفيديوهات الشهير بـ إنستجرام، تدوينة لصديقتها كتبت فيها: «توضيح بسيط جوجو طول عمرها بتلبس وبتحضر مناسبات ومفيش طلاق بسبب الدريس ولا ضرب ولا قله الأدب بتاعتكم دي احترموا نفسكم».
وتابعت: «بلاش الترند عشان تطلعوا ع قفاها وبلاش دخول في حياتها وتقعدو تألفوا ومحدش عاش ولا شاف اللي عاشتوا عشان هي فعلا أجدع ست وبنت أصول فعلا وبميت راجل كله تحت رجليك يا أم رحيم أنتي كيف الصقر فوق».
وكان الفنان عصام صاصا، أعلن سابقاً انفصاله عن زوجته عبر حسابه الرسمي بموقع «إنستجرام» قائلًا: «حابب أتكلم في نقطة بسيطة بس عشان بعض كلام الناس بيضايقني، يعلم ربنا إني مشفتش أي حاجة في حياتي وحشة من الست دي، وماشفتش منها غير كل خير، عمرها ما كانت غلطانه في حقي لا بالعكس عشان بس محدش يظلمها وربنا يصلح حال الجميع ويسترها على كل الناس».
انفصال عصام صاصا وجهاد أحمد
وأوضحت جهاد، في منشور عبر ستوري بـ" إنستجرام" قبل إعلانهما الانفصال رسميًا، قالت فيه: "طيب نقطة علشان أقفل أي باب لكلام وإشاعات أنا شخصيتي كده، و هاتفضل كده أنا ممكن أتعامل مع شخص وهو فيه عيوب الدنيا وميفرقليش هو وحش ولا حلو بس لما بقفل منه بيتشطب من حياتي ومش بيرجع تاني".
طلاق عصام صاصا
وقالت: "من الآخر عيني مش بتشوفوا مهما كانت غلاوته كبيرة عندي اتقفلت منه يعني أتمسح من حياتي دي أنا ودا الي يريحني أنا فا محدش يضايقه بحاجة أنا مختاراها في حياتي أنا".
وأضافت: "بلاش تخلوني أتكلم في حاجات أنا مش حابه أتكلم فيها وأخليكم تكرهوا ناس ممكن تكونو بتحبوها أنا مرضاش حد يحس الوجع اللي أنا حسيتو ويتخذل في أي شخص بيحبوا سواء كان صاحب أو حبيب أو من دمك”.
وتابعت :"فا خليها تمشي كده أحسن واللي مش عاجبه شخصيتي في حاجة اسمها بلوك أنا محدش تعب مكاني ولا عايش بمهدئات مكاني ولا بيضحك لمجرد إن الناس متزهقش لما تشوفني ولا عايش ميت زيي".