عصام صاصا بعد انفصاله عن زوجته: «ياريت نبطل كدب»
شارك مطرب المهرجانات عصام صاصا صورة له مع متابعيه عبر حسابه الرسمي بـ"إنستجرام"، وأكد أن القادم ليس أفضل شيء وذلك بعد طلاقه أمس من البلوجر جهاد أحمد.
وعلق عصام صاصا على الصورة بالقول: «عارف اللي جاي مش أحسن حاجة، بس كل حاجة بتاعة ربنا، واللي ربنا عاوزه هايكون، بس نخف كدب ونخف كلام، الناس بتتكلم كأنهم عايشين معانا».
وكان الفنان عصام صاصا، أعلن انفصاله عن زوجته عبر حسابه الرسمي بموقع “إنستجرام” قائلًا: "حابب أتكلم في نقطة بسيطة بس عشان بعض كلام الناس بيضايقني، يعلم ربنا إني مشفتش أي حاجة في حياتي وحشة من الست دي، وماشفتش منها غير كل خير، عمرها ما كانت غلطانه في حقي لا بالعكس عشان بس محدش يظلمها وربنا يصلح حال الجميع ويسترها على كل الناس".
هل تعدى عصام صاصا على طليقته
وأثار انفصال مطرب المهرجانات عصام صاصا، والبلوجر جهاد أحمد جدلًا واسعًا بعد إعلان الثنائي الطلاق وسط تكهنات لجمهورهما بعد نشر طليقته صورًا لها عبر خاصية القصص بـ“إنستجرام”، حيث ظهرت على ملامحها آثار ضرب على وجهها قبل دقائق قليلة من إعلانها خبر طلاقها من مطرب المهرجانات عصام صاصا، واعتقد البعض أن السبب وراء الانفصال هو تعدي الأخير عليها بالضرب.
انفصال عصام صاصا وجهاد أحمد
وأوضحت جهاد، في منشور عبر ستوري بـ" إنستجرام" قبل إعلانهما الانفصال رسميًا، قالت فيه: "طيب نقطة علشان أقفل أي باب لكلام وإشاعات أنا شخصيتي كده، و هاتفضل كده أنا ممكن أتعامل مع شخص وهو فيه عيوب الدنيا وميفرقليش هو وحش ولا حلو بس لما بقفل منه بيتشطب من حياتي ومش بيرجع تاني".
طلاق عصام صاصا
وقالت: "من الآخر عيني مش بتشوفوا مهما كانت غلاوته كبيرة عندي اتقفلت منه يعني أتمسح من حياتي دي أنا ودا الي يريحني أنا فا محدش يضايقه بحاجة أنا مختاراها في حياتي أنا".
وأضافت: "بلاش تخلوني أتكلم في حاجات أنا مش حابه أتكلم فيها وأخليكم تكرهوا ناس ممكن تكونو بتحبوها أنا مرضاش حد يحس الوجع اللي أنا حسيتو ويتخذل في أي شخص بيحبوا سواء كان صاحب أو حبيب أو من دمك”.
وتابعت :"فا خليها تمشي كده أحسن واللي مش عاجبه شخصيتي في حاجة اسمها بلوك أنا محدش تعب مكاني ولا عايش بمهدئات مكاني ولا بيضحك لمجرد إن الناس متزهقش لما تشوفني ولا عايش ميت زيي".