ربيع ياسين: الكل أخذ فرصته إلا أنا.. ونمت في الطرقة بسبب اللاعيبة
عبر ربيع ياسين نجم الأهلي السابق، عن غضبه الشديد لعدم الاستعانة به في مجال تدريب منتخبات الناشئين خلال السنوات الماضية.
وقال ربيع ياسين في تصريحات إعلامية:" أنا مفيش حد في ضهري، غير ربنا، كله بياخد فرص إلا ربيع ياسين، دا بيخيروهم ها تحب تبقى مدير فني ولا مدير كرة ولا مدير رياضي، طيب وربيع ياسين بكل تاريخه، أنا أسطورة ولو كنت أخدت فرصتي في التدريب كان زماني في حتة تانية".
وأضاف: "قبل كدة قررت أعمل معسكر في الصعيد لمنتخب الشباب، قالولي هنسافر طيارة قلتلهم ليه طيارة، هنسافر بالأوتوبيس، احنا عملنا إيه أو اللاعيبة دي حققت ايه عشان أسفرهم بطيارة للصعيد".
وتابع: "لما اللاعيبة دي تديلك حاجة تديها مقابلها، دول لسه ولا هم أسماء ولا حققوا حاجة، أنا بازرع فيهم حاجة تانية قوة التحمل والرجولة والشقى، وأنا أهو راجل كبير وهسافر معاك وهتعب معاك، اللاعب المصري وهو صغير لازم تعوده على الشقى".
وأضاف: في نهائي أفريقيا للشباب، كنت جايب واحد بينام في الطرقة للاعيبة، جالي قالي أنا مش قادر أسيطر اللاعيبة برضه بتطلع من الغرف، روحت مصلي الفجر وجايب البطانية ونايم أنا فالطرقة وقلتلهم الراجل بقى يطلع من أوضته".
وأردف:" كان في أوضة طالبة حاجات ساقعة وشيبسي ، خبطت عليهم خايفين يفتحوا، نزلت جيبت الكارت بتاع الأوضة وفتحتها عليهم، مكنش ينفع أعمل غير كدة ، أنا وصلت نهائي مينفعش أفرط فيه، وعقلية اللاعب المصري لو اتغيرت كل حاجة هتتغير، مكنش عندي مشكلة أتمرمط عشان خاطر المنتخب".
موعد مباراة الأهلي وشبيبة القبائل
يخوض الأهلي مباراته أمام شبيبة القبائل في تمام السادسة مساء السبت المقبل على استاد القاهرة الدولي، ضمن الجولة الأولى من دور المجموعات لدوري أبطال إفريقيا.
ويستعد الجهاز الفني للنادي الأهلي لحسم عدد من القرارات الخاصة بتشكيلة الفريق التي ستخوض مواجهة شبيبة القبائل الجزائري غدًا، وفي مقدمتهم الثلاثي أحمد سيد زيزو، ومحمود حسن تريزيجيه، وإمام عاشور.
وشهدت التدريبات الأخيرة مشاركة اللاعبين الثلاثة بعد تعافيهم من الإصابات الأخيرة، لكن قرار إدراجهم في قائمة المباراة النهائية يعود للجهاز الفني بقيادة ييس توروب، وسيتم حسم هذا الأمر خلال مران اليوم.
يعقد المدرب ييس توروب جلسة مع اللاعبين قبل انطلاق المران الأخير، لمراجعة بعض الجوانب الفنية والخططية الخاصة بمواجهة شبيبة القبائل.
وسيُسمح لوسائل الإعلام بحضور أول 15 دقيقة من المران وفقًا للوائح الاتحاد الإفريقي لكرة القدم "كاف"، الخاصة بالبطولات القارية.
كما سيعقد ييس توروب، إلى جانب قائد الفريق محمد الشناوي، المؤتمر الصحفي في الساعة 1:30 ظهر اليوم، للحديث عن استعدادات الفريق للمباراة والإجابة على أسئلة الإعلام.
وفي المقابل، سيخوض فريق شبيبة القبائل الجزائري مرانه الختامي على ملعب استاد القاهرة الدولي، وفقًا للائحة كاف المنظمة للبطولة.