دياب يشيد بفيلم «ضي»: «أعظم فيلم ممكن تتفرج عليه»
أشاد المطرب دياب، بنجاح فيلم «ضي» وذلك بعد حضوره العرض الخاص للعمل، الذي عُرض من قبل في عدة مهرجانات، ويعرض حاليا عبر شاشات السينمات.
وكتب دياب، عبر حسابه الشخصي بموقع فيسبوك: «أعظم فيلم ممكن تتفرج عليه، لسه خارج من العرض الخاص لفيلم ضي.. واحد من أجمل و أمتع الأفلام اللى ممكن تشوفها و ده ما يتحكيش عن قصة لإنه حالة إنت بتعيشها من أول ما الفيلم يبدء لحد تتر النهاية بس لو عايز ملخص هقولك».
دياب: ضي من أفضل الأفلام اللي ممكن تشوفوها
وتابع دياب: «بيحكى عن ضى اللى بيبقى موهوب وعايز يغنى فى برنامج The Voice وبعد إقناع شديد الأم بتقرر توافق إنه يشارك ويسافر من أسوان للقاهرة وفى الطريق بيحصلهم حاجات كتير أوى أوى أوى عشان يوصلوا مش هقدر أقول أكتر من كده لإن متعة الفيلم مش بس فى قصتة لأ ده فى الصورة الحلوة و الكادرات العظيمة زى اللى موجود منها فى البوست دى».
وأضاف: «الفيلم كمان ماليان ضيوف شرف منهم محمد ممدوح، تامر نبيل، محمد شاهين، عارفة عبدالرسول، صبرى فواز، والكينج محمد منير ولميس الحديدى وحنان سليمان وغيرهم وغيرهم وفيه واحد كمان بس مفاجأة الفيلم كل اللى فيه عاملين أداء خـ ـطير سواء بدر أو أسيل عمران أو حنين أو إسلام مبارك والإخراج طبعا لكريم الشناوى اللى عمل لام شمسية رمضان اللى فات وقبلها خلى بالك من زيزى وغيرهم وتأليف هيثم دبور اللى عمل حاجات حلوة برضة».
وأثنى دياب، على الفيلم في نهاية حديثه قائلاً: «ساعتين من المتعة و الجمال و المشاعر هتتبسط بيهم و مش هتنساهم بعد كده الفيلم يستاهل كلام أكتر من كده بكتييير لإنه بجد فيلم عظيم، ضى.. فيلم حلو أوى شوفوه».
أبطال فيلم ضي
يشارك في بطولة فيلم ضي كل من أسيل عمران، بدر محمد، إسلام مبارك، وحنين سعيد، إلى جانب عدد من ضيوف الشرف من بينهم الكينج محمد منير، أحمد حلمي، محمد ممدوح وآخرون، والعمل من تأليف هيثم دبور وإخراج كريم الشناوي.
قصة فيلم ضي
تدور أحداث فيلم ضي في 48 ساعة فقط، ويحكي قصة شاب يسافر عبر محافظات مصر لتحقيق حلمه، يرافقه صوته الآسر، وعائلته المفككة، ومعلمه الموسيقي، يسافر بلا مال، ولا سيارة، ولا أي وسيلة اتصال، والأهم من ذلك كله، أنه غير متأكد من قدرته على تحقيق هدفه.