أبرز ملخص تصريحات حسام حبيب: ندمان لما صلحت شيرين مع أهلها
تصدر المطرب حسام حبيب على مؤشر البحث جوجل خلال الساعات الماضية، وذلك بعد ظهوره في بث مباشر جمعه بالإعلامية بسمة وهبة عبر حسابها الشخصي بموقع تبادل الصور والفيديوهات الشهير بـ "إنستجرام"، حيث تحدث عن عودته لـ شيرين عبد الوهاب وأنباء القبض عليه بسبب اتهامه في قضية الاتجار بالمخدرات، فضلاً عن تدخله لصلح شيرين مع شقيقها محمد عبد الوهاب ووالدتها.
تصريحات الفنان حسام حبيب مع بسمة وهبة
وفي التقرير التالي نرصد ملخص تصريحات الفنان حسام حبيب.
-ندمان لما صالحت شيرين على أخوها وأسرتها.
-أنا موجود في بيتي والكلام اللي بيتقال عليا كذب مش حقيقي.
-أنا بقالي 4 سنين مش بيتقال عليا حاجات حقيقية كله شائعات وبس.
-كل الناس طول الوقت بتبص على حاجة غير الحقيقة.
- كفاية كدة وبلاش حد يعمل تريند على حسابي.
-شيرين حالتها النفسية متأثرة بالضغوط والكلام السلبي.
-شيرين مش معاها حد دلوقتي هي لوحدها.. كلكم ممكن تكونوا معاها.
-هقف جنب شيرين ومش هسيبها لحد ما ترجع للساحة الفنية من جديد، واللي يهمني دلوقتي إن الجمهور يدعمها.
-انسوا القديم لـ شيرين وافتحوا معاها صفحة جديدة وهي هترجع زي الأول وأحسن".
-الكلمة الطيبة صدقة وبلاش الناس تقول كلام يوجع من غير سبب.
انتشرت أنباء عبر مواقع التواصل الإجتماعي بشأن القبض على المطرب حسام حبيب بتهمة تتعلق بالاتجار في المخدرات، وأنه طلب من مساعده الخاص بأن يحضر مجموعة من مخدر "الكوكايين" من بعض التجار، حيث تداول البعض صورة لتحقيقات النيابة العامة مع شخص يدعى محمد لطفي وهو يعترف عليه.
القبض على حسام حبيب
وقال حسام حبيب، في تصريحات خاصة لـ "إيجبتك"، أن ما تداوله البعض بشأن القبض عليه أمر غير صحيح وهي معلومات خاطئة صدرها شقيق شيرين عبد الوهاب بسبب خلافات كبيرة بينهما نتيجة مقاطعة شيرين له ولأسرته ورفضها التعامل معهم خلال الفترة الأخيرة.
حسام حبيب: كل اللي بيتقال عليا كدب
وتابع حسام حبيب، حديثه قائلاً: "كل اللي بيتقال عليا كدب ومحصلش، أنا موجود في البيت ومش عارفه أخو شيرين بيعمل ليه كده معايا!؟ رغم أني خليتها تصالحه وتقرب منه في مرة من المرات، لكن بعدها هي اللي بعدت عنه وأنا مليش ذنب في اللي بيحصل بينهم، ليه مصرين تشوهوا صورتي عند جمهوري".
حسام حبيب يقاضي شقيق شيرين عبد الوهاب
وأشار حسام حبيب، إلى أنه سيقاضي شقيق شيرين عبد الوهاب وسيأخذه حقه بالقانون ولن يتركه مهما طال الأمر، مردفاً: "شيرين اتظلمت من أقرب الناس حواليها وحالتها النفسية مبقتش كويسة بسبب اللي بيتقال عليها كل فترة وده مخليها زعلانه ومش عارفة ترجع لجمهورها بعمل فني يليق بيها".