بطل مسلسل الحشاشين يكشف عن تعرض لمرض مناعي نادر
كشف الفنان الشاب محمد يوسف أوزو بطل مسلسل الحشاشين، عن تعرضه لمرض مناعي نادر، موضحاً أنه يعاني من آلام شديدة آثرت على فقرات ظهره وبعد عدة محاولات مع الأطباء لم يهتم أحد بحالته كون المرض لا يوجد له علاج.
مرض الفنان محمد يوسف أوزو
وكتب محمد يوسف أوزو عبر حسابه الرسمي بموقع فيسبوك: «بسم الله الرحمن الرحيم اسمي محمد يوسف محمد شرف والشهرة أوزو بشوف تعليقات كتير على موضوع ضهري والله بصوا يا جماعة أنا فعليًا من النوعية اللي مبحبش الصعبانيات ولا عمري حبيت أكسب تعاطف الناس والجو الرخيص ده وكتير من الناس غير القريبين مني ميعرفوش موضوع المرض اللي عندي».
وتابع: «أنا عندي مرض مناعي نادر اسمه ankylosing spondylitis التهاب الفقرات التصلبي وملوش علاج وكل اللي أقدر أعمله آخد العلاج البيولوجي بتاعي عشان يبقى الحال على ما هو عليه وحتى حاولت أروح لدكتور متخصص عشان أعمل عملية تجميل ومن كتر ما هو دكتور مشغول راح معايا دكتور أشرف ذكي ودخلته بعد 8 ساعات انتظار في العيادة والباشا كشف وقال لي تعالى بعد سنة مع العلم إن العملية دي هتحتاج من 4 لـ 6 شهور بعدها عشان أرجع طبيعي».
المرض ليس له علاج
وأضاف: «طب السؤال هنا هل أنا مش عاوز أعملها؟؟ لأ عاوز أعملها بس أكيد مع دكتور مهتم بحالتي مش بيشوف جدوله فاضي إمتى هل مش مسببالي تعب؟، أنا من كتر الألم المخ بطل يبعت إشارات بالألم طب هل أنا مبسعاش إني أحسن ده؟ لما ربنا بيكرم بروح أعمل علاج طبيعي مانيوال وعلاج مائي، وبالمناسبة العلاج الطبيعي المانيوال ده عذاب».
واختتم: «فطبعًا أنا آسف لو حضرتك مش عاجبك مشيتي أو شكل ضهري بس والله ده مش هعرف أعمل حاجة فيه لحد ما ربنا يأذن آسف للإطالة بس وجب التوضيح، ورغم كل ده الحمد لله رب العالمين على كل حال».