ريهام سعيد تثير الجدل برسالة غامضة
أثارت الإعلامية ريهام سعيد، جدلا واسعا عبر “السوشيال ميديا” بعد نشرها تدوينة تتحدث فيها عن التسامح والتنازل عن حقوقها، مشيرة إلى أن الله عز وجل يرد الحقوق لأصحابها حتى لو تنازلوا عن حقهم.
وقالت ريهام سعيد، عبر حسابها الرسمي على “فيسبوك”: «سبحان الله لما حتى بتتنازل عن حقك ربنا بيرجعهولك وبتشوف النتيجة. حسبي الله ونعم الوكيل قدام عينيك، عظيم يا رب ولسة».
أزمة العوضي وريهام سعيد
وتداول الجمهورسابقاً تدوينة لريهام سعيد، ترد فيها على أحمد العوضي: «مصمم تجيب الكلام لنفسك.. عملت حلقة مع حديدة عشان ذوي الاحتياجات الخاصة نجيب حقهم ذوي الاحتياجات الخاصة جزمتهم أحسن منك أنا عملت أقوى حلقات في التاريخ لما روحت رفح العالم مش ناس بتشتريهم بالفلوس واعمل ليهم مسابقات.. عالجنا آلاف الحالات وأنت كنت بتدور على واحدة تتجوزها».
وأضافت: «كنت عايز تعيش في بيتها وأنت ولا قادر تصرف عليها ولا ولادها.. عملت منك بطل وأديتك فرص بقالك 20 سنة بتحاول تاخدها، المتابعين اللي بتشتريهم بفلوس دول أصلا عندك عشان كنت جوزها وأنت هزأت نفسك بما فيه الكفاية، أنت على كل الفشخرة الكدابة دي ورصيدك مسلسلين وأنا مثلت أكتر منك».
رد العوضي على ريهام سعيد
ورد الفنان أحمد العوضي على تصريحات ريهام سعيد بعدما هاجمته عقب تصريحه بأنه الأعلى أجراً، قائلاً في تصريحات على هامش تكريمه من مهرجان الأفضل: «والله أنا مشوفتش اللي قالته ريهام سعيد وأنا بحبها جداً، إعلامية مهمة جداً عندها حلقات عظيمة، أستاذة ريهام مشوفتش البوست بتاعها دي إعلامية مهمة جميلة وليها حلقات جميلة وأزمتها مع كروان مشاكل أنا كنت متحيز ليها وعندها حلقة مع محمود حميدة من أقوى الحلقات اللي عملها الإعلام».
وتأتي تصريحات أحمد العوضي، رداً على ريهام سعيد بعدما نشرت عبر حسابها الشخصي على موقع التواصل الاجتماعي انستجرام، قائلة: "رد الجميل للي خلي الناس تعرفك، رد الجميل للي وقفتك، رد الجميل للي عملت لك أجر، أشكرها لأن لولاها مكنش ده حصل، ربنا جعلها سبب كبير".