«بيعرفوا منين أنك رايح تجبر بالخواطر».. ريهام سعيد تهاجم العوضي مجددا
تداول رواد مواقع التواصل الاجتماعي فيديو للإعلامية ريهام سعيد جددت فيه الهجوم على الفنان أحمد العوضي بعد الخلافات الأخيرة بينهما.
واتهمت ريهام سعيد أحمد العوضي بإبلاغ المراسلين لتصويره عند قيامه بأعمال الخير، مشيرة إلى واقعة رجل القمامة والذي رفض العاملين بكشري التحرير جلوسه داخل المكان وفاجئه العوضي آنذاك برسالة دعم دعاه فيه لتناول الطعام معه.
وقالت ريهام سعيد، خلال الفيديو:"اروح أجيب رجل القمامة أعمله مكرونة ولحمة وفراخ وأأكله قدام مصر كلها مع أني ممكن أأكله بيني وبينه.. لو عايز أجبر بخاطر حد بجد مش لازم أعمله حفلة.. وسبحان الله أنك كل ما بتساعد حد المواقع بتبقى عارفة أنت فين والساعة كام عشان تيجي تشوف وأنت بتجبر بخاطر حد".
جدير بالذكر أن ريهام سعيد، كتبت، عبر حسابها الرسمي بموقع التواصل الاجتماعي "فيس بوك": "موضوع العوضي ده بوخ والظاهر لازم أرد بفيديو عشان ما تقولوش حذفت".
ووجهت للعوضي رسالة، قائلة: "أنت فنان كبير وليك تاريخك وزي ما قدرتني واتكلمت عن أهم حلقات ليا من وجهة نظرك، أنا كمان أحب أشكر فيك وفي تاريخك الطويل.. بكره إن شاء الله الساعة 12 بليل".
أزمة العوضي وريهام سعيد
وكان الجمهور تداول تدوينة لريهام سعيد، ترد فيها على أحمد العوضي: «مصمم تجيب الكلام لنفسك.. عملت حلقة مع حديدة عشان ذوي الاحتياجات الخاصة نجيب حقهم ذوي الاحتياجات الخاصة جزمتهم أحسن منك أنا عملت أقوى حلقات في التاريخ لما روحت رفح العالم مش ناس بتشتريهم بالفلوس واعمل ليهم مسابقات.. عالجنا آلاف الحالات وأنت كنت بتدور على واحدة تتجوزها».
وأضافت: «كنت عايز تعيش في بيتها وأنت ولا قادر تصرف عليها ولا ولادها.. عملت منك بطل وأديتك فرص بقالك 20 سنة بتحاول تاخدها، المتابعين اللي بتشتريهم بفلوس دول أصلا عندك عشان كنت جوزها وأنت هزأت نفسك بما فيه الكفاية، أنت على كل الفشخرة الكدابة دي ورصيدك مسلسلين وأنا مثلت أكتر منك».
رد العوضي على ريهام سعيد
وفي وقت سابق رد الفنان أحمد العوضي على تصريحات ريهام سعيد بعدما هاجمته عقب تصريحه بأنه الأعلى أجراً، قائلاً في تصريحات على هامش تكريمه من مهرجان الأفضل: «والله أنا مشوفتش اللي قالته ريهام سعيد وأنا بحبها جداً، إعلامية مهمة جداً عندها حلقات عظيمة، أستاذة ريهام مشوفتش البوست بتاعها دي إعلامية مهمة جميلة وليها حلقات جميلة وأزمتها مع كروان مشاكل أنا كنت متحيز ليها وعندها حلقة مع محمود حميدة من أقوى الحلقات اللي عملها الإعلام».
وتأتي تصريحات أحمد العوضي، رداً على ريهام سعيد بعدما نشرت عبر حسابها الشخصي على موقع التواصل الاجتماعي انستجرام، قائلة: "رد الجميل للي خلي الناس تعرفك، رد الجميل للي وقفتك، رد الجميل للي عملت لك أجر، أشكرها لأن لولاها مكنش ده حصل، ربنا جعلها سبب كبير".