مصطفى كامل: ما يحدث في النقابة «مؤامرة رخيصة» ولن أصمت أمام الفساد
أكد الفنان مصطفى كامل نقيب المهن الموسيقية، أن الأزمة الأخيرة التي شهدتها النقابة جاءت نتيجة ما وصفه بمؤامرة رخيصة لكي تقلل من جهوده وجهود زملائه في النقابة، موضحا أنه سيعمل للقضاء على الفساد في النقابة.
مصطفى كامل: التسجيل المسرب مفبرك
وشدد النقيب مصطفى كامل على أن تلك التحركات لن تؤثر على مسيرة العمل أو على الجهود المبذولة لخدمة الأعضاء، مشيرا إلى أن التسجيل المسرب له الذي يوبخ فيه حلمي عبد الباقي مُفبرك.
وشهد مقر نقابة المهن الموسيقية اجتماعا موسعا جمع النقيب برؤساء نقباء الأقاليم من مختلف المحافظات وذلك لمناقشة التطورات الأخيرة داخل النقابة.
كان الفنان مصطفى كامل، نقيب المهن الموسيقية، انتقد أعضاء مجلس إدارة النقابة، بسبب تعدد الأزمات داخل النقابة، إذ وجه رسائل حادة للجمعية العمومية، في بثت مباشر عبر" فيسبوك" مشددا على أنه لن يتهاون مع أي عضو قصر في عمله النقابي.
خلاف مصطفى كامل مع أعضاء النقابة
وقال مصطفى كامل: "هو احنا هنفضل نعمل مع بعض كده، الدكتور أحمد أبوالمجد، يكتب في المضبطة على مزاجه، احنا مؤسسة وبنشتغل بشكل مؤسسي، مينفعش نشتغل بأربع أو خمس أعضاء بس، في ناس بتغيب بالشهرين والثلاثة، الرسالة دي إلى أعضاء الجمعية العمومية، احنا في اجتماع مجلس إدارة، وأنا مش بحب المكالمات الجانبية، ومش بحب المؤامرات، من يوم لما قعدت على الكرسي ده عشان أخدم البسطاء وأصحاب المعاشات".
وأضاف: "المال اللي كان مسروق عارفين مين طلع عينه عشان نرجعه، النقابة هنا فيها مقاعد، أهم مقاعد أهم مقعد للفلوس اللي بتتسرق، ومقعد لخدمات لأعضاء النقابة، والباقي لجان، وبنشتغل في كل شبر في مصر، وفي ناس بتقعد شهر واتنين مبتجيش، وكل لما اكلم المسئول القانوني لإجراء، يقولي أصل الأستاذ أحمد أبو المجد عنده انتخابات وعنده حزب، لا الكلام ده مش هينفع".
فيما رد الدكتور أحمد أبو المجد على مصطفى كامل خلال الاجتماع قائلا: "هو إيه اللي انت بتقوله ده يا فنان، تقريبا كده الموضوع وصلك غلط، أنا كام مرة سبت شغل الناس، دول 5 حاجات بس اللي عايزين يمشوا في النقابة أمشيهم في ثواني، عيب كده".
ومن جانبه رد مصطفى كامل قائلا :"أنا مش هعرف أعمل الحاجات اللي بتقول عليها ولا بعرف أعمل انجز ولا أجيب حد أقعد معاه في كافيه، أنا ماليش في الشغل ده، اللي مش قد الشغل يستقيل، أنا بموت نفسي هنا، واللي مش قد مصالح الناس يمشي".