في اجتماع سري.. مصطفى كامل يفتح ملفات الفساد ويستدعي نقباء المحافظات
يجري الفنان مصطفى كامل، حاليًا إجتماع سري طاريء مع نقباء المحافظات لنقابة المهن الموسيقية، وذلك بمقر النقابة بوسط البلد، بحضور عدد من أعضاء مجلس الإدارة والشئون القانونية، وذلك بعدما كشف الاول عن عدد من المؤامرات والفساد بعدد من ملفات النقابة.
وعلمت “إيجبتك” أن النقيب مصطفى كامل قرر دعوة نقباء المحافظات لحل أزمة ملفات الفساد داخل نقابة المهن الموسيقية، وأعلن عن أزمة كبيرة ضربت النقابة خلال الأيام الماضية، بعدما تفجرت الخلافات بينه وبين عدد من أعضاء المجلس، وصلت إلى حد تبادل الاتهامات بالتقصير والفساد، بل وتجاوزات وإهانات، مما تسبب في حالة غضب شديدة واحتقان داخل أروقة النقابة.
مؤامرات وإهانات وفساد.. القصة الكاملة لأزمة نقابة الموسيقيين
كان الفنان مصطفى كامل، نقيب المهن الموسيقية، انتقد أعضاء مجلس إدارة النقابة، بسبب تعدد الأزمات داخل النقابة، إذ وجه رسائل حادة للجمعية العمومية، في بثت مباشر عبر" الفيس بوك" مشددا على أنه لن يتهاون مع أي عضو قصر في عمله النقابي.
وقال مصطفى كامل: "هو احنا هنفضل نعمل مع بعض كده، الدكتور أحمد أبوالمجد، يكتب في المضبطة على مزاجه، احنا مؤسسة وبنشتغل بشكل مؤسسي، مينفعش نشتغل بأربع أو خمس أعضاء بس، في ناس بتغيب بالشهرين والثلاثة، الرسالة دي إلى السادة أعضاء الجمعية العمومية، احنا في اجتماع مجلس إدارة، وأنا مش بحب المكالمات الجانبية، ومش بحب المؤامرات، من يوم لما قعدت على الكرسي ده عشان أخدم البسطاء وأصحاب المعاشات".
وأضاف: "المال اللي كان مسروق عارفين مين طلع عينه عشان نرجعه، النقابة هنا فيها مقاعد، أهم مقاعد أهم مقعد للفلوس اللي بتتسرق، ومقعد لخدمات لأعضاء النقابة، والباقي لجان، وبنشتغل في كل شبر في مصر، وفي ناس بتقعد شهر واتنين مبتجيش، وكل لما اكلم المسئول القانوني لإجراء، يقولي أصل الأستاذ أحمد أبو المجد عنده انتخابات وعنده حزب، لا الكلام ده مش هينفع".
فيما رد الدكتور أحمد أبو المجد على مصطفى كامل خلال الاجتماع قائلا: "هو إيه اللي انت بتقوله ده يا فنان، تقريبا كده الموضوع وصلك غلط، أنا كام مرة سبت شغل الناس، دول 5 حاجات بس اللي عايزين يمشوا في النقابة أمشيهم في ثواني، عيب كده".
ومن جانبه رد مصطفى كامل قائلا :"أنا مش هعرف أعمل الحاجات اللي بتقول عليها ولا بعرف أعمل انجز ولا أجيب حد أقعد معاه في كافيه، أنا ماليش في الشغل ده، اللي مش قد الشغل يستقيل، أنا بموت نفسي هنا، واللي مش قد مصالح الناس يمشي".
