تأكيدًا لـ«إيجبتك».. عودة عصام صاصا لزوجته بعد أيام من طلاقهما
أعلنت البلوجر جهاد أحمد، عودتها لمطرب المهرجانات الشعبية عصام صاصا، بعد طلاقهما منذ ما يقرب من 10 أيام، إذ نشرت عبر حسابها الشخصي بموقع تبادل الصور والفيديوهات الشهير بـ إنستجرام توثق الحدث.
عودة عصام صاصا لزوجته
وكشفت جهاد أحمد، عن حفل أقامه زوجها عصام صاصا بمناسبة عودتهما، حيث حضر الحفل عدد من الأقارب وأصدقائهما، معلقة: «بس أنا فعلا كوين واستاهل يتعمل عشاني اكثر من كده».
كشف مصدر على صلة بمطرب المهرجانات عصام صاصا، أن هناك عدة محاولات من المقربين، لإعادة علاقته مع زوجته، البلوجر جهاد أحمد، إلى طبيعتها، بعد انفصالهما.
وأوضح المصدر في تصريح لـ"إيجبتك" أن أسرتي الثنائي تحاول تقريب وجهات النظر بينهما، لكي تعود المياه إلى مجاريها مرة أخرى.
وكشف سابقاً المصدر ذاته عن أن الثنائي يعيش كل منهما بمفرده في منزل بعيد عن الآخر، كما أن سبب الطلاق تفاقم مؤخرا بعد عدة مشكلات قررا على أثرها الانفصال.
وأعلن عصام صاصا، في وقت سابق، الانفصال عن زوجته، عبر حسابه الرسمي بموقع «إنستجرام»، قائلًا: «حابب أتكلم في نقطة بسيطة بس عشان بعض كلام الناس بيضايقني، يعلم ربنا إني مشفتش أي حاجة في حياتي وحشة من الست دي، وماشفتش منها غير كل خير، عمرها ما كانت غلطانه في حقي لا بالعكس عشان بس محدش يظلمها وربنا يصلح حال الجميع ويسترها على كل الناس».
انفصال عصام صاصا وجهاد أحمد
بدورها قالت جهاد، في منشور عبر ستوري "إنستجرام": "طيب نقطة علشان أقفل أي باب لكلام وإشاعات أنا شخصيتي كده، و هاتفضل كده أنا ممكن أتعامل مع شخص وهو فيه عيوب الدنيا وميفرقليش هو وحش ولا حلو بس لما بقفل منه بيتشطب من حياتي ومش بيرجع تاني".
طلاق عصام صاصا
وقالت: "من الآخر عيني مش بتشوفوا مهما كانت غلاوته كبيرة عندي اتقفلت منه يعني أتمسح من حياتي دي أنا ودا اللي يريحني أنا فا محدش يضايقه بحاجة أنا مختاراها في حياتي أنا".
وأضافت: "بلاش تخلوني أتكلم في حاجات أنا مش حابه أتكلم فيها وأخليكم تكرهوا ناس ممكن تكونوا بتحبوها أنا مرضاش حد يحس الوجع اللي أنا حسيتو ويتخذل في أي شخص بيحبوا سواء كان صاحب أو حبيب أو من دمك”.
وتابعت :"فا خليها تمشي كده أحسن واللي مش عاجبه شخصيتي في حاجة اسمها بلوك أنا محدش تعب مكاني ولا عايش بمهدئات مكاني ولا بيضحك لمجرد إن الناس متزهقش لما تشوفني ولا عايش ميت زيي".