أيمن أشرف: كنت أتمنى الاعتزال في الأهلي لكن “رزقي خلص هنا”
كشف أيمن أشرف، لاعب الأهلي السابق، تفاصيل جديدة عن فترته داخل القلعة الحمراء، متحدثًا عن طقوسه الخاصة في التدريبات، وخلافه الفني مع المدير الفني السابق مارسيل كولر، وصولًا إلى رحيله عن النادي رغم رغبته في إنهاء مسيرته داخل الأهلي.
وخلال ظهوره في الحلقة الثانية من بودكاست “الحوار كبير”، أول بودكاست رياضي بحضور جماهيري يقدّمه الإعلامي أحمد أسامة، قال أيمن أشرف:
"عندي طقوس معينة في التدريبات والماتشات… مبعرفش أضحك أو أبتسم. لو ضحكت ببقى مش كويس".
وتحدث مدافع الأهلي السابق عن علاقته بكولر:
"مقدرش أقلل من إنجازاته مع الأهلي، لكنه فنيًا كان بعيد… والجزء التكتيكي عنده مش متنوع. هو منظم، لكن أنا مكنتش مقتنع".
وأضاف:
"كنت بستغربه… عاوز الفريق كله يكون تحت الكورة، وده مش أسلوب الأهلي. الأهلي دايمًا عنده حلول مختلفة".
وكشف أيمن أشرف عن تفاصيل الخلاف بينهما قائلاً:
“الاختلاف كان فني… واتكلمت معاه كتير، لكن هو كان شايل مني؛ لأني شديت معاه في كذا موقف، وهو من النوع اللي بيشيل ومبينساش.”
وبخصوص رحيله عن النادي، قال:
“الحمد لله مشيت بشكل محترم… وخرجت من الباب الكبير. كنت حابب أكمل واعتزل في الأهلي، لكن كولر كسر الجزئية دي. حسّيت إن رزقي خلص هنا ولازم أشوف مستقبلي في مكان تاني.”
وأشار أيمن إلى جلسة جمعته بمحمود الخطيب، رئيس النادي الأهلي، قبل اتخاذ قرار الرحيل:
“الكابتن الخطيب قعد معايا… وعرض عليّ أكتر من عرض، لكن فضّلت إني أمشي.”
واختتم قائلاً:“كنت مخطط إني مكمل في الأهلي ومعتزلش بدري… لكن الظروف جت عكس اللي كنت أتمنى.
مواعيد مباريات دوري أبطال أوروبا والقنوات الناقلة
- كوبنهاجن × كايرات ألماتي – 7:45 مساءً – beIN Sports HD 3
- بافوس × موناكو – 7:45 مساءً – beIN Sports HD 2
- أرسنال × بايرن ميونخ – 10:00 مساءً – beIN Sports HD 2
- أتلتيكو مدريد × إنتر ميلان – 10:00 مساءً – beIN Sports HD 5
- آينتراخت فرانكفورت × أتالانتا – 10:00 مساءً – beIN Sports HD 6
- ليفربول × آيندهوفن – 10:00 مساءً – beIN Sports HD 4
- أولمبياكوس × ريال مدريد – 10:00 مساءً – beIN Sports HD 3
- باريس سان جيرمان × توتنهام – 10:00 مساءً – beIN Sports HD 1
- سبورتينج لشبونة × كلوب بروج – 10:00 مساءً – beIN Sports HD 7