شقيق محمد رحيم يحيي ذكرى وفاته برسالة تثير الجدل.. «أكلوا لحمك حي»
حرص طارق رحيم شقيق الملحن الراحل محمد رحيم، إحياء ذكرى وفاة شقيقه الأولى برسالة مثير للجدل عبر حسابه الرسمي بموقع “فيس بوك”.
طارق رحيم يحيي ذكرى وفاة شقيقه الأولى
وقال طارق رحيم: “اليوم الأحد إن شاء الله 23 نوفمبر 2025 السنوية الأولى لوفاتك يا أغلى عليا من نفسى يا أبن أمي كما كان يقول سيدنا هارون لأخيه سيدنا موسى عليهما السلام سنة عدت مش عارف غير إنى أقول لولا فضل من الله عليا بالثبات والرحمة لكنت مشيت فى الشوارع مجنون أكلم نفسي”.
وتابع طارق رحيم: “سنة عدت وأنا بسال نفسي الناس اللي كنت عايش معاهم دول بعد اللي عرفته بعد رحيلك كنت بتعاملهم وعايش معاهم إزاي سنة عدت بفضل الله وانا بسأل نفسي إزاي كنت شايل كل ده لوحدك ومش بتتكلم حاطط في نفسك وصامت إزاي كنت عارف تعيش مع وحوش ما بيرحموش إزاي كنت عايش مع طامعين خططوا لنهايتك بلا رحمة كل هدفهم ياكلوك حي وبعدها ينكروك ويقولوا مكانش لاقي يأكلنا كذا وافتراء بالبهتان أكلوا لحمك ونهشوك حي ميت ومصوا دمك الضعيف وأخدوا شقى عمرك بلا رحمه كانوا بينهشوا في لحمك ودمك واعصابك وأنت مستحمل وساكت وصامت ما بتنطقش”.
وأضاف طارق رحيم: “إزاي كنت عايش مع كدابين حتى النفس اللي بيتنفسوه الخداع والكدب وانت مكنتش كده ولا دي أشكال كانت تنفع تمشي حتى من جنبك أد كده كنت حمول وملاك أد كده كنت كتوم وبطل قد كده كنت قافل على نفسك وأهلك واخوك وحبايبك ظلمات جهنم خوفا علينا وساكت عشان كده تعبت وقلبك الأبيض النقي ما أتحملش كل الظلم والجفاء والقسوة فرحلت في هدوء من غير ما تتعب أي حد كعادتك عمرك ما تعبت حد”.
وأردف طارق رحيم: “زي ما انت طول عمرك كنت بطل وراجل موقف وجدع وشهم وساكت وكنت راقي ونقي ونضيف وكنت بتتعالى عن صغائر الأمور وكنت باصص للدنيا بنظارة واسعه فكنت عارف حقيقتها ومكنتش بتاع دنيا يا رحيم اسم على مسمى نفسي أسألك بصرخة يسمعها أهل الأرض والسماء إزاي كنت عايش في وسط عصابة من وحوش ما بيرحموش وكنت ساكت ما بتتكلمش وكنت قافل طاقة تحتها جهنم والعه ما ظهرتش غير بعد رحيلك”.
واختتم طارق رحيم منشوره قائلًا: “الله يرحمك وينجيك ويسعدك ويمتعك ويهنيك يا شهيد يكفى إن ربنا حبك فحبب فيك كل خلقه انت رحت للمكان الأعظم الجنة عند الله وحده رحلت جسدًا لكن سيرتك العطرة هى عطر بيتغنى ويستنشقه كل صغير وكبير وسمعتك واسمك الحلو هيا هيا وبتزيد وكل الناس قالت الملاك الطاهر محمد رحيم الشهيد اللي راح لربنا شهيد والحمد لله يا حبيبي انك ما بين أيادي الله أرحم الراحمين في جنات عدن ونعم أجر العاملين إن شاء الله سلملي على بابا وماما يا رحومه وأذكرني عند ربك بالخير وادعيلي زي ما بدعيلك كل لحظه إن شاء الله وحقك ربنا هيجبهولك والله حقك عند ربنا ولا يظلم ربك أحدا”.