بعد فوزها بجائزة «ذا بيست».. رحمة محسن تهاجم الحاقدين على نجاحها
أعربت المطربة رحمة محسن، عن سعادتها البالغة بحصولها على جائزة أفضل مطربة من مهرجان «ذا بيست»، الذي أقيم منذ يومين، مشيرة إلى أن هناك بعض الأشخاص تشعر بالغيرة والحقد تجاهها بعد كل نجاح، وذلك على حد وصفها.
وكتبت رحمة محسن عبر حسابها الشخصي بموقع إنستجرام: «مشاعر كتير جوايا من كترها مش قادره أعبر، لكن مهم أوي أتكلم عن شويه دروس مستفاده، إن الإنسان لازم يتقبل إن نجاحه ممكن يكون بياكل في قلب ناس مريضة، وإن في أشخاص ممكن ماتنامش الليل لو حسوا إنك في خير وكرم من ربنا، وإن في ناس ممكن تبقي معاك وماسكه فيك علشان إنت عندك المصلحة».
وتابعت: «لكن لو المصلحة دي خلصت منك هما مش هايسيبوك تعيش، لازم يبذلوا أقصي مجهود ممكن يبذله إنسان لتدمير إنسان تاني، هنا بقي بيحصل إيه بتحاوطك أعمالك إللي بتتاجر فيها مع ربنا، بتسندك مرة ماشاركتش فيها في النميمه علي حد ومرة ماظلمتش حد ومرة أكرمت حد ومره سامحت حد ومرة راضيت محتاج ومرة جبرت بخاطر مكسور ومرة ماقطعتش رزق حد ومرة هونت وطبطبت علي حد ومرة سندت صاحبك ومرة راضيت أمك وأبوك ومرة أكرمت أخوك».
وأضافت: «كل حاجه حلوه مهما كانت بسيطه بتحاوطك لما يجتمع بني آدمين علي ظلمك وأذيتك.. يمكن إللي بحققه يكون في نظر ناس كتير بسيط ومش مهم لكن بالنسبالي أنا كبير جدا.. لإن أنا لوحدي إللي عارفه قد إيه المشوار كان صعب ومتعب وكله شقي، فأنا بتمني إن أي حد بيآمن للناس بسرعه وبيدي حب وخير من قلبه ومن غير حساب ياخد مني عبره، علشان أخطر حاجه ممكن يتعرضلها أي بني آدم إنه يآمن ناس خاينين ويكرم إنسان لئيم ممتنه جدا لله إنه دايما يطبطب علي قلبي مهما زادت الشده وكبرت المحنه.. وأتمني يارب إن إللي جاي ف حياتي يكون أطيب وأحن من إللي فات الحمد لله الحمد لله الحمد لله».
وفي وقت سابق طرحت المطربة الشعبية رحمة محسن، أحدث أعمالها الغنائية بعنوان «برنامج مقالب» وذلك عبر قناتها الرسمية بموقع المشاهدات العالية الشهير بـ يوتيوب، يأتي ذلك في عودة لممارسة نشاطها الفني من جديد بعد أزمة الفيديوهات الخادشة التي انتشرت كالهشيم في النار خلال الفترة الماضية.
أغنية برنامج مقالب
نشرت رحمة محسن مقطع فيديو من الأغنية، وعلقت قائلة: “أنا إتبهدلت وياكوا، كإني ماكنتش أعرفكوا، ده بالغل إللي جواكوا، ده ربنا مش هاينصفكوا، الله يكسفكوا، برنامج مقالب دلوقتي علي كل المنصات، كلمات ملاك عادل، ألحان مصطفي العسال، توزيع إسلام ساسو، هندسة صوتية هاني محروس، إنتاج إن چي ميوزك”.