يحيى أبو الفتوح لـ«إيجبتك»: لم أقصد الإساءة للأهلي.. الفيديو مجتزأ

شهدت الساعات الماضية جدلًا واسعًا على مواقع التواصل الاجتماعي بعد انتشار مقطع فيديو منسوب ليحيى أبو الفتوح، نائب الرئيس التنفيذي للبنك الأهلي المصري، وهو يعلق بعبارة أثارت غضب جماهير النادي الأهلي لقوله "التعليم باظ، ونتج عنه وجود أهلاوية كتير".

يحيى أبو الفتوح لـ إيجبتك: مقصدتش الإساءة للأهلي وجمهوره العريق

وفي أول تعليق رسمي منه، أوضح أبو الفتوح حقيقة ما جرى، مؤكدًا أن المقطع تم إخراجه تمامًا من سياقه.

وقال أبو الفتوح في تصريحات خاصة لـ «إيجبتك»: “الفيديو اللي انتشر اتاخد بره سياقه تمامًا، اللي ظهر فيه كان مجرد مداعبة بسيطة بين اتنين بعد تبادل تهنئة، ومكانش ليه أي قصد تاني، لكن للأسف اتفهم غلط بسبب طريقة خروجه وانتشاره”.

وأضاف: “أنا بكنّ كل الاحترام للنادي الأهلي وجماهيره، وده شيء معروف عني وبالمناسبة، في من عيلتي وأهلي وأصحابي كتير أهلاوية وبرضه بكنّ نفس التقدير لكل أندية مصر وجماهيرها.. وده منهجي طول عمري”.

وأكد نائب رئيس البنك الأهلي: “أنا بالفعل خدت كل الإجراءات القانونية ضد الشخص اللي صوّر ونشر الفيديو من غير إذن، وهتابع الموضوع لحد الآخر علشان أحافظ على حقي ومايتكررش الموقف ده تاني”.