تم تدمير القصر.. أهالي الفيوم يطالبون بفتحها من جديد

شهدت العديد من المحافظات إغلاق عدد من قصور الثقافة بحجة أعمال الصيانة والتطوير، إلا أن استمرار هذا الإغلاق لفترات طويلة أثار حالة من الاستياء بين الأهالي والمهتمين بالشأن الثقافي، إضافة إلى أن عدم موجود تحديد موعد زمني واضح لانتهاء أعمال الصيانة، جعل الجمهور يتسأل عن موعد افتتاحها من جديد، وعودة الحركة الثقافية والفعاليات والبرامج الفنية.

وعلق أحد المقيمين في محافظة الفيوم، عبر صفحتها على موقع التواصل الاجتماعي «فيسبوك»، عن إغلاق قصور الثقافة، قال: «قصر ثقافة الفيوم مغلق من 3 سنوات للصيانة ، تم هدم القصر من الداخل ، وقصر ثقافة الفيوم يعتبر تحفة فنية تسلمناه سنة 2000 وكان محتاج رفع كفاءة بسيط».

وتابع: «تم تدمير القصر من الداخل ولحد النهارده مافيش أي خطوة جديدة تم اتخاذها من قبل الوزارة ، والحقيقة القصر ماكانش محتاج كل التكسير اللي حصل فيه ده ، كان ممكن صيانة بسيطة بتكاليف بسيطة ويرجع القصر مرة تانية زي ما كان سنة 2000 في مدة أقل من 6 شهور».

وأَضاف: «أنا عارف القصر كويس لأني متربي جواه وبتألم جدا لما حدث في واحد من أهم وأعظم المنشآت الثقافية في مصر ، قصر ثقافة الفيوم ملك لشعب الفيوم ، من حقنا إننا نلاقي مكان راقي ومحترم لأولادنا يمارسوا فيه هوايتهم زي ما أهالينا سابونا ونروح وإحنا أطفال وطلع مننا أدباء ومسرحيين وفنانين تشكيليين وموسيقيين ساهموا في إثراء الحركة الثقافية في مصر كلها هدم وتخريب المواقع الثقافية بيسيب ولادنا فريسة للأفكار المتطرفة».

وطالب بعودة قصور الثقافة في الفيوم من جديد، إذ قال: «رجعوا لنا قصر الثقافة بتاعنا ، اللي حصل في الفيوم ده مش في مصلحة حد غير الأصوات الرجعية والجماعات اللي هدفها تدمير كل شئ جميل في مصر، إحنا بنمارس عملنا جوا القصر بشكل تطوعي مش طالبين من الدولة حاجة ، وبنصرف من جيوبنا كمان عشان نقدم فن حقيقي جوا المؤسسة، بلاش تاخدوا مننا حتى المكان اللي بنتجمع فيه واللي يعتبر هو المكان الوحيد المستنير في المحافظة واللي واقف لوحده في مواجهة المتطرفين والجهلة».