لما بابا يدفع.. معهد أزهري يحرم الأطفال من «الفسحة» لعدم سداد المصروفات

كشف رامي الجبالي، مؤسسة صفحة أطفال مفقودة على فيسبوك، عن واقعة إهمال وفساد في معاهد الكمال الأزهرية بالتجمع الخامس، حيث تم منع الأطفال غير المسددين للمصروفات من اللعب في الفسحة.

وقال الجبالي عبر صفحته: «لما بابا يدفع المصاريف، تبقي تلعب مع صحابك في الفسحة! أيوة يا فندم، ده اللي عملته معاهد الكمال الأزهرية اللي في التجمع الخامس مع أطفال أعمارهم ما بين 7، و8، و9 سنين، علشان أهاليهم في ظل ظروف اقتصادية صعبة تأخروا في دفع قسط المدرسة!».

إيه ذنب الأولاد؟

وأضاف: «يا مدير المدرسة الحزينة، إيه ذنب الولاد؟ ما الجريمة التي ارتكبها الأطفال عشان مينزلوش يلعبوا مع صحابهم؟ فرحت لما الولاد كلهم ناموا معيطين يا معالي المدير؟ الأهالي استلفوا وباعوا بسرعة عشان يدفعوا المصاريف ويحافظوا على ما تبقي من صورتهم قصاد ولادهم، يا رب تكون راضي والفلوس تمام».

واستكمل: «يا مدرس ويا مدرسة، ليه نحرج أطفال قصاد صحابهم ونخليهم يعايروا بعض بالعجز عن سداد المصاريف؟ يا بتوع التربية ليه تقللوا من صورة أهالي الأطفال في عيون ولادهم؟».

وحاول “إيجبتك” التواصل مع إدارة معاهد الكمال الأزهرية بالتجمع الخامس، لكن لم يتسن الحصول على رد حتى الآن.