أسرار تراجع محمد صلاح عن الاعتزال الدولي.. ما القصة؟
كشف محمود حسن تريزيجيه نجم النادي الأهلي كواليس تراجع محمد صلاح نجم فريق ليفربول الإنجليزي عن الاعتزال وفشل منتخب مصر الوطني في التأهل لـ بطولة كأس العالم 2022.
قال محمود حسن تريزيجيه نجم الأهلى ومنتخب مصر عبر تصريحات تليفزيونية: "أنا مش مدمن شهرة ويوم ما ابطل كرة هكون عملت حاجة كبيرة
ويوم ما ما انضمش لمنتخب مصر أعرف إن فيه حاجة غلط وأنتظر وجودى دائما فى قائمة الفراعنة الكبار والمنتخب هو حياتى".
تابع تريزيجيه : “بطولة أمم أفريقيا عام 2021 كانت حياة أو موت بالنسبالى ونادى أستون فيلا الإنجليزي قالولى فيه مخاطرة كبيرة عليك وكنت لسه راجع من صليبى وقالولى: لو روحت وحصلك حاجة إحنا مش هنعالجك والمدير الفنى قالى: الأحسن إنك تقعد معانا.. قولتلهم لو آخر بطولة فى حياتى هروح ألعبها”.
واصل تريزيجيه: “أنا أخدت مخاطرة كبيرة إنى ألعب مع منتخب بلدى بعد إصابتى بـ الصليبى مع نادي أستون فيلا الإنجليزي أبلغت طبيب المنتخب دكتور محمد أبو العلا إنى لازم ألحق أمم أفريقيا عام 2021”.
تريزيجيه: أمم إفريقيا كابوس
وأكمل تريزيجيه : “خسارة أمم أفريقيا أمام السنغال 2021 كانت كابوس وهفضل أحاول لآخر نفس على بطولة كأس أمم أفريقيا لتحقيقها مع منتخب مصر”.
وأتم تريزيجيه: “محمد صلاح أفضل لاعب فى العالم ومعانا نجم كبير وإحنا لو كنا كسبنا السنغال فى تصفيات كأس العالم والله ما كنا روحنا”.
اعتزال محمد صلاح
محمد صلاح بعد مباراة السنغال قالى: “أنا هعتزل دولى وعيط بحرقة وقالى مش قادر يا تريزيجيه ومش مصدق إننا مش هنروح كأس العالم هو مثلى الأعلى”.
وأردف تريزيجيه: “اللاعيبة انهارت فى أوضة اللبس لمنتخب مصر بعد بكاء محمد صلاح عقب الخسارة من السنغال فى المباراة الفاصلة للتأهل فى كأس العالم وصلاح تراجع سريعا عن فكرة الاعتزال وقال هنرجع ننافس على بطولة أفريقيا والتأهل لكأس العالم”.
واختتم تريزيجيه حديثه: “منتخب مصر حلم حياتى حتى لو مباريات ودية وعملت رنين الساعة 3 الفجر علشان انضم لمنتخب مصر وإصابتى ليست خطيرة فقط محتاج من لـ 12 يوم راحة وحسام حسن بيشتغل وبيتعب وبيحارب علشان بلده وروحه قتالية”.