مونيكا مجدي لـ إيجبتك: سعر الصوت بانتخابات مجلس النواب وصل لـ500 جنيه
أكدت المرشحة مونيكا مجدي المعروفة إعلاميا بـ “مرشحة الدراجة”، التى تنافس على مقعد دائرة شبرا – روض الفرج – بولاق أبو العلا في انتخابات مجلس النواب 2025، أن وعي المواطنين أصبح السلاح الأقوى في مواجهة أي ممارسات غير نزيهة داخل الشارع الانتخابي، مؤكدة أن بعض الظواهر الفردية تضعف ثقة الناس في العملية الديمقراطية.
وقالت مونيكا في تصريح خاص لـ"إيجبتكِ"، إن شراء الأصوات في الشارع وصل لـ500 جنيه في الصوت.. والمواطن أصبح علي وعي بهذا الأمر، ويميز بين المرشح الذي يستخدم المال السياسي للحصول علي مقعد، والمرشح الآخر الذي يهدف إلي خدمة الشعب.
وأضافت قائلة: «لو المنافس اللي بيستخدم الفلوس كسب.. تبقى خسارة لمصر مش ليا لأن ده معناه إن الناس اللي عايزة تغيير حقيقي اتقهرت، وإن الشباب اللي بيشتغل بشرف اتقفل قدامه الباب».
وأوضحت أنها اعتمدت في حملتها على التواصل المباشر مع الأهالي دون أي مظاهر مبالغ فيها، مؤكدة: «أنا نازلة أتنافس بشرف.. لا بشتري صوت ولا بضغط على حد ثقتي في الناس وفي وعيهم أكبر من أي فلوس».
الانتخابات يجب أن تُبنى على القناعة لا المقايضة
وأكدت مونيكا أن الانتخابات يجب أن تُبنى على القناعة لا المقايضة، وأن دور المرشح الحقيقي يبدأ قبل الفوز بالمقعد، من خلال وجوده وسط المواطنين والاستماع إلى مشكلاتهم: «اللي عايز يخدم بجد بيشتغل في النور.. مش بالكرتونة ولا بالفلوس، والناس خلاص بقت عارفة مين بيشتغل ومين بيشتري».
وتختتم المرشحة رسالتها للأهالي بقولها:«أنا نازلة عشان الدائرة تستعيد صوتها.. ولو الناس اختارتني هشتغل بكل قوتي. ولو ما اختارونيش، هفضل مكملة في خدمة البلد.. لأن المعركة مش معركة مقعد، دي معركة مبادئ».
