أسما شريف منير عن فيلم دخل الربيع يضحك: "كل لقطة فيه صادقة أوي"

أشادت الإعلامية أسما شريف منير، بفيلم دخل الربيع يضحك بعد عرضه في السينمات، موضحة أنها أحداث العمل حقيقة وليست من واقع الخيال ويدور عن 4 سيدات كل منها لها قصة مختلافة عن الأخرى.

ونشرت أسما شريف منير، صورة لها برفقة زوجها عبر حسابها الشخصي بموقع تبادل الصور والفيديوهات الشهير بـ إنستجرام قائلة: "أنا بعشق الربيع أنا مولوده في شهر أربعة وبحس ده اللي بيخليني شخص متفائل، بحب البني آدمين بكل تعقيدهم بكل تناقضهم، وباللي بيخفّوه أكتر من اللي بيظهروا، فيلم دخل الربيع يضحك لمسني جدًا… يمكن عشان هو عنّا كلنا، عن البدايات اللي بتحسها مزهرة، بس عمرها ما بتكمل زي ما بدأِت".

أسما شريف منير تتحدث عن فيلم دخل الربيع يضحك

وتابعت: "أربع حكايات مختلفة، كل واحدة فيهم بتنتهي نهاية موجعة مش درامية، لأ حقيقية، الممثلين في الفيلم مش محترفين، وده يمكن أكتر حاجة خلّت كل لقطة صادقة أوي، وجُمل بسيطة بس موجعة، عشان طالعة من ناس عايشينها مش بيأدوها، الفيلم واخد فلسفة الفصول الأربعة بيتكلم عن الربيع اللي بيضحك في وشّك، بس جواه خريف بيستنى دوره".
 

اقرأ أيضا

لنطقها كلمة «قرآن».. أسما شريف منير تتعرض للسخرية

كلمة السر الأمومة.. كواليس جديدة في حياة أسما شريف منير

وأضافت: "صوَره ساكتة، المزيكا قليلة، بس الإحساس تقيل وجميل، بيوجعك بس يخليك تحب وجعك، مشهد ورا مشهد بتحس إن الكاميرا بتتفرج على الحياة وهي بتكشف اللي جواه نفسها، وده بالنسبالي فن حقيقي، الفيلم كسب جايزة النقاد في مهرجان القاهرة السينمائي الدولي، وده مش صدفة لأنه بيقدّم تجربة نادرة: صادقة، بسيطة، خام، ومليانة روح".

وأختتمت أسما: "دخل الربيع يضحك، ضحك بس بدمعة ومن كتر ما هو حقيقي، بيخليك تفتكر نفس، روحوا اتفرجوا عليه مبروك نهي عادل و كل صناع الفيلم، وهبه حبيبتي انتي وحشتيني اوي يا رب يوصلك".⁩

قصة فيلم دخل الربيع يضحك

يروي فيلم أربع قصص منفصلة، تجري أحداثها فى فصل الربيع، وتكشف جميعها عن الوجه الآخر من العلاقات الإنسانية التي تبدو في ظاهرها سعيدة ووردية، لكنها تخفي خلفها مرارة وحزنًا ومع مرور الوقت، تبدأ حقيقة هذه العلاقات في الظهور، وتتحول الضحكات إلى دموع وخلافات، وتفضح الأسرار المخفية مع قدوم الخريف.

أبطال فيلم دخل الربيع يضحك

فيلم "دخل الربيع يضحك"  كتابة وإخراج نهى عادل، ومن بطولة سالي عبده، ومختار يونس، ورحاب عنان، وريم العقاد، وكارول عقاد، ومنى النموري، وسام صلاح، وروكا ياسر، وإنتاج كوثر يونس وأحمد يوسف، ومنتج مشارك لورا نيكولوف وسمر هنداوي وساندرو كنعان،  تصوير سارة يحيى، ومونتاج سارة عبد الله، وتسجيل صوت مصطفى شعبان، وميكساج الصوت أحمد أبو السعد، وتلوين سامي نصار وأحمد شافعي، ومهندس ديكور سلمى تيمور، ومصممة أزياء مشيرة الفحام، ومخرج منفذ ميسون المصري، ومونتاج تتر: ماركوس عريان.