أول ظهور لـ«عم رشاد» صاحب التجول بالجلابية بالمتحف الكبير: «مكنتش عايز أخرج من كتر عظمته»
تصدر عم رشاد أبو الصغير، من مركز أبو تشت بمحافظة قنا، مواقع التواصل الاجتماعي بعد تداول صورته وهو يتجول بالجلباب داخل المتحف المصري الكبير، في مشهد لفت الأنظار ونال إعجاب رواد السوشيال ميديا.
أول تعليق للعم رشاد
قال عم رشاد في أول تصريح له بعد تصدره التريند، إنه سافر خصيصًا من قنا إلى القاهرة لحضور افتتاح المتحف المصري الكبير: «كنت حريص على السفر عشان أخلي بنتي الصغيرة تشوف المتحف الكبير وتتعرف على حضارة بلدها».
وأضاف لـ إيجبتك: «بحب أزور المناطق الأثرية في كل مكان، ورحت قنا والأقصر قبل كده عشان أتفرج على عظمة القدماء المصريين، والمتحف الكبير حاجة مبهرة ومكنتش عايز أخرج منه من كتر العظمة اللي اتعملت فيه».
وأشار عم رشاد إلى أنه لم يكن يعلم أن أحدًا التقط له صورة أثناء جولته داخل المتحف: «مخدتش بالي لما اتصورت، واتفاجئت بمكالمة من أولادي بيقولولي إن صورتي اتنشرت وبقيت تريند، المتحف فخر لمصر كلها، واللي يشوفه لازم يحس بالعظمة والتاريخ اللي ورانا».
على جانب آخر تصدرت أخبار وفعاليات كثيرة، منصات السوشيال ميديا ومحركات البحث خلال الأيام الماضية، بعد افتتاح المتحف المصري الكبير، إذ عكست اهتماماً ملحوظا بالحراك الثقافي لاسيما بعد أن أصبحت مصر محط أنظار العالم بالصرح الحضاري الأسطوري.
