نجم زمالكاوي يهاجم شيكابالا: الأسطورة أخذ مليار جنيه من النادي
وصف أسامة حسن نجم الزمالك السابق، النجم المعتزل حديثا محمود عبد الرازق شيكابالا بأنه أكثر من استفاد بأموال الزمالك، قائلا: “أخذ فوق المليار جنيه، ويهاجم الزمالك علشان الإدارة وفيريرا مشوه”.
وقال أسامة حسن في تصريحات متلفزة: "شيكابالا أكثر واحد استفاد من نادى الزمالك، مين أشهر لاعب في الزمالك هو شيكابالا مين أكتر لاعب خد فلوس من الزمالك هو شيكابالا، طيب مين أكثر واحد دخل فلوس للزمالك مش شيكابالا، تخيل أنه كهربا بـ100 مليون، وعمرو زكى بـ100 مليون، وإمام عاشور بـ150 مليون، ومصطفى محمد بـ80 مليون، أما شيكابالا فأخد فوق المليار من النادي".
وأضاف نجم الزمالك السابق: "لما يطلع شيكابالا يتكلم بالطريقة دي عن نادي الزمالك علشان الناس دي مشيته، وهو طلع بتصريحين مينفعوش يخرجوا من الكابتن التاريخي للزمالك، الأول بتاع الشيشة في نهائي أبطال إفريقيا، حصل ولا محصلش مينفعش تقول كده الكابتن التاريخي لازم يحافظ على أوضة اللبس سواء بطل أو لا، المفروض ده الكابتن التاريخى بس بعد التصريح ده خلاص مينفعش وعرفنا إيه الغرض منه".
وتابع: "التصريح الثاني لما قال فيريرا يمشى أنت المفروض الكابتن مينفعش تقول كده من غير ما تدينى حلول، اللى قاعد على القهوة هيقولك يمشى زيه زيك، أنت لم تدينى حل يبقى انت عايز تبوظ، بتقول كده علشان مشاك، المفروض يعطيني حلول أننا نتعاقد مع مدرب عارف أفريقيا وعارف طريقة الزمالك وجمهوره دا كلام الكابتن، لكن كلام سوق الجمعة اللى بتقوله ده مينفعش وإزاى الناس دي لعبت في الزمالك".
عضو مجلس الزمالك يتبرع بأكثر من 10 ملايين جنيه
حرص هاني بيرزي عضو مجلس إدارة نادي الزمالك، على التبرع بمبلغ مُستحق الرد خلال الفترة المقبلة، بعد حل أزمة الزمالك المالية.
وقرر هاني بيرزي، التبرع بأكثر من 10 ملايين جنيه لصالح نادي الزمالك، وذلك لحل أزمة القضايا التي رفعها جوزيه جوميز مدرب الزمالك السابق ومساعديه ضد النادي مما تسببت في إيقاف القيد.
ويحصل هاني بيرزي على المبلغ الذي تبرع به لنادي الزمالك بعد حل أزمة الزمالك المالية خلال الفترة المقبلة.
يذكر أن جوزيه جوميز ومساعديه صدر لهم حكمًا بتغريم نادي الزمالك بما يقرب من 142 ألف دولار، مستحقات لدى الزمالك.