كلام أوضة اللبس طلع صح| ماذا قال أساطير الأهلي عن لقاء المصري؟
تعادل فريق الكرة الأول بالنادي الأهلي بقيادة الدانماركي ييس توروب مع نظيره فريق المصري البورسعيدي سلبيا في المباراة التي جمعت بينهما مساء أمس الأحد في إطار الجولة الثالثة عشر من بطولة الدوري الممتاز.
واحتل فريق الكرة الأول بالنادي الأهلي بقيادة الدانماركي ييس توروب المركز الثاني في ترتيب جدول الدوري الممتاز برصيد 23 نقطة خلف سيراميكا كليوباترا المتصدر برصيد 26 نقطة.
وأثار تعادل فريق الكرة الأول بالنادي الأهلي بقيادة الدانماركي ييس توروب مع نظيره فريق المصري البورسعيدي سلبيا ردود أفعال غاضبة من جانب نجوم القلعة الحمراء السابقين.
وشن نجوم الأهلي السابقين هجوما واسعا علي مستوي أداء اللاعبين إضافة إلي الانتقادات الحادة ضد الدانماركي ييس توروب مدرب الشياطين الحمر.
نجم الأهلي: حاسس بـ خذلان
قال ضياء السيد نجم النادي الأهلي السابق عبر تصريحات تليفزيونية: “أنا حاسس بخذلان من أداء النادي الأهلي الفترة اللي فاتت ولو في إدارة كورة عايزة إصلاح لازم لعيبه تمشي في شهر يناير المقبل”.
تابع نجم النادي الأهلي السابق: "محدش هيكون مظلوم اللاعب هيكون هو اللي ظلم نفسه وأنا قولت قبل كده الأهلي غير 3 مدربين و2 مديرين رياضيين ولجنة تخطيط ومجلس إدارة جديد واللاعب قاعد مستخبي يبقى الدور عليك بقى حالياً.
لازم وقفة مع لاعبي الأهلي
قال هاني رمزي لاعب النادي الأهلي السابق عبر تصريحات تليفزيونية: “لاعيبة النادي الأهلي لازم يحصل وقفه كبيرة معاها وقفة ومفيش أي فلوس تدخل للاعيبة إلا لو كسبوا السوبر وبرضه ميتصرفش فلوسهم إلا بعد عدد مباريات معينة”.
أضاف نجم الأهلي السابق: “الجهد اللي بيعملوه في الملعب لا يناسب مع اللي بيتوفرلهم .. أنت بتعمل ايه في الملعب؟ أنا مش شايف 50 أو 60% من قدراته .. بتكلم عن زيزو وتريزيجيه وبن شرقي وأفشة وطاهر وكوكا تقريبًا بتكلم عن اللاعيبة كلها”.
لاعبو الأهلي ولقطة الشو
قال ياسر ريان لاعب النادي الأهلي السابق عبر تصريحات تليفزيونية: “حسّيت وقت ضربة جزاء النادي الأهلي إن كل لاعب عايز ياخد لقطة الشو الإعلامي”.
تابع ريان: “لو أنا مكان أحمد مصطفى زيزو مكنتش هشوط ضربة الجزاء خصوصًا مع ضغط المباراة.. وفي النهاية ضاعت.. الأهلي بيعيش حاله غريبة وخايف ييس توروب يطلع زي ريبيرو”.
الأهلي هيلعب على المركز الثالث والرابع بالسوبر
قال أحمد بلال مهاجم النادي الأهلي السابق عبر تصريحات تليفزيونية: “الوحيد اللي عنده قلب وروح الأهلي هو محمد عبدالله .. كل اللاعيبة الباقية مفيش ولا ديانج ولا ولا زيزو ولا تريزيجيه ولا جراديشار”.
أردف نجم الأهلي السابق: "هتروحوا تعملوا ايه في السوبر المصري؟ بالشكل ده 99% الأهلي هيلعب على المركز الثالث والرابع .. إحنا لعبنا 100 دقيقة ولو لعبنا ألف برضه مش هتسجلواط.
واختتم نجم النادي الأهلي السابق حديثه: “في مباراة المصري كان فيه أسّطوات في الملعب، وكل يوم بتثبتوا إن كلام الناس عن أوضة اللبس طلع صح، التوفيق عمره ما هييجي طول ما مناخيركم فوق، لازم تنزلوا وتوطوا رأسكم شوية، عيب كده”.