بسبب دعمها لفلسطين.. منع تقى الفوال من الصعود على المسرح في ألمانيا|فيديو
شهد عرض مسرحي بألمانيا موقفًا مثيرًا للجدل بعد أن منعت الفنانة المصرية الألمانية تقى الفوال من الصعود إلى خشبة المسرح بسبب ارتدائها كوفية فلسطين أثناء أداء دورها كشخصية “شهرزاد” في عرض "ألف ليلة وليلة" المقدم باللغتين العربية والألمانية.
ونشرت تقى الفوال فيديوا لها عبر حسابها الشخصي بموقع تبادل الصور والفيديوهات “إنستجرام”، وكتبت معلقة: “خلال الأسبوعين اللي فاتوا، اتعرضت لموقف صعب في ألمانيا، في بلد أوروبي دايمًا بتنادي بالحرية، لكن اللي حصل معايا كان فيه تقييد واضح لحريتي كفنانة وكإنسانة”.
سبب الهجوم على تقى الفوال في ألمانيا
واستكملت: "كنت بمثل في عرض “ألف ليلة وليلة” بدور شهرزاد، باللغتين الألمانية والعربية، وفي أول يوم البروفات، دخلت المسرح وأنا لابسة الكوفية العربية،
ومن اللحظة دي بدأت الضغوط، والتهديد بإيقاف العرض، وحتى منعي من الصعود على المسرح بسبب الكوفية".
وتابعت: “يمكن البعض يشوفها مجرد قطعة قماش، لكن بالنسبالي هي رمز وهوية عربية، وصوت تضامن مع القضية الفلسطينية، اللي بعتبرها قضية كل إنسان عنده ضمير، وفي النهاية، رغم كل المحاولات لمنعي، قدرت ألبس الكوفية وأنا بتحية من الجمهور، لأنها مش مجرد زيّ، هي موقف، ورسالة، وحقّي في التعبير عن عروبتي”.
واستائت “الفوال” من ذلك التصرف الغريب، معلقة: “بعدها قررت الإدارة تنزّلني من على المسرح، فنزلت بهدوء تام ومن غير أي اعتراض، وبعد شوية، طلعت واحدة من الإدارة على المسرح، عشان تبرر مشكلة أنا بصراحة شايفاها مش مشكلة من الأساس، خصوصًا إن الجمهور كان مبسوط ومستمتع بالعرض”.
وتسائلت تقى الفوال في آخر منشوراها قائلة: "ليه الكوفية تحوّلت لجريمة في نظر إدارة الأوركسترا؟، إزاي ممكن يوصل الأمر إنهم يلغوا العرض ويتقبلوا الخسارة، بس علشان يمنعوا البطلة العربية من إنها ترتدي رمز بسيط له معنى وهوية؟، مش بتكلم من غضب، لكن من إيمان بالكرامة، والحرية، والاحترام،
الفن مساحة للتعبير، مش للإقصاء، وهفضل أؤمن إن الهوية مش جريمة بل قوة، وحق، ورسالة".