بعد تصدرها التريند.. سبب تكثيف عمليات البحث عن آمال ماهر

تصدرت الفنانة آمال ماهر تريند محرك البحث جوجل وذلك بسبب تصريحاتها الأخيرة وبسبب غنائها أغنية “ بتمون ” للفنانة إليسا والإشادة بها بعد غنائها أغنيتها، و إليكم أبرز التصريحات 

علاقتها بإبنها عمر 

كشفت الفنانة آمال ماهر علاقتها بإبنها عمر منذ طفولته “ مر ابني مسؤوليته عندي خلتني أدور على كيان آمال، أنا كنت عايشة اليوم بيومه ومن غير مسؤوليات، وكنت بقول يا رب أنت ليه ادتني المسؤولية دي؟ وعرفت بعد 21 سنة إن ده علشان أحافظ على نفسي وأبقى آمال اللي أنتوا عارفينها، وأحس إن فيه حاجة بحبها أكتر من نفسي أعيش لها ومتجرش لأي طريق مش مظبوط ” 

و أضافت " بني كان المنقذ والبوصلة، أنا ملحقتش أعيش طفولتي وماليش ذكريات في طفولتي من غيره"، مشيرة إلى أنها سعت لأن تكون أماً قوية تفتخر بها ابنها في المستقبل، عمر كان طفل مُدلل وعايش في بيت عيلة، فكلمتي مكنتش بتمشي، وكنت ضد فكرة الضرب وأقول لا يمكن أضرب ابني، لكن كسرت القاعدة علشان يسمع كلامي، وكان متعب دراسيًا جدًا، غيرنا مدارس كتير وشقيت معاه لحد ما دخل جامعة في لندن، كان في مشاكل على حضانة عمر لكن وصلنا لاتفاق، وأنا اتحملت المسؤولية، وبكن كل الاحترام لوالده علشان عمر موجود، وهو أغلى حاجة في حياتي " 

ألم الفقدان 

تحدثت عن ألم الفقدان و التأثير عليها" عمتي توفيت بكورونا، وقالوا إن حالتها ميؤوس منها، وإن أمامها 48 ساعة فقط، وكان ذلك بعد فترة قصيرة من وفاة والدي، فكان الفقد متتابعًا ومتلاحقًا، من أقرب الناس لي، والدي ثم عمتي، وهما ناس شكّلوا في شخصيتي حاجات كتير" 
و أردفت “ دول كانوا السند، الناس اللي بتجري عليهم أول ما تتضايق، واللي بيدوك الثقة لما تحس إنك فقدتها، لأن حبهم ليك بيكون حب غير مشروط، حب لشخصك بس، علشان كده الفقد ده وجعني جدًا، حرفيًا أنا اتعذبت كتير،وصلت لمرحلة كنت باخد فيها مهدئات ومنومات، ومكنتش بعرف أنام، ساعات كنت بقعد 48 ساعة من غير نوم، مش مصدقة اللي حصل، عشت عزلة كبيرة جدًا، اتعرفت فيها على نفسي من جديد، ومكنتش عارفة أستمد ثقتي إلا من نفسي، وأصريت على ده كنت حتى باخد الحقن وبديها لنفسي"