عصابة حمادة وتوتو.. هيدي كرم وابنها يحتفلان بالهالوين على طريقة الزعيم

شاركت  النجمة هيدي كرم  صورة عبر حسابها الشخصي عبر موقع الفيديوهات و الصور انستجرام  تجمعها بنجلها أثناء احتفالهما بالهالوين وذلك على طريقة الزعيم و الفنانة القديرة لبلبة و علقت على الصورة “ عصابة حمادة و توتو ” 

من جانب آخر كانت وجهت الفنانة هيدي كرم رسالة للنساء اللاتي تجاوزن سن الـ 40، أثارت الجدل حول السعي خلف الجسم المثالي، وإنقاص الوزن.

وقالت في فيديو نشرته عبر حسابها الرسمي على منصة “إكس”: “عزيزتي المرأة، سيدتي الجميلة فوق الأربعين، إذا وصلتي لهذا العمر وما قدرتيش توصلي للوزن المثالي اللي بتحلمي بيه من سنين، أرجوكي تنازلي عن الحلم ده”

وتابعت: “متجريش ورا القطيع وتلجأي للحقن أو الأدوية عشان تخسي بسرعة، لأنك ممكن تخسري وزن، بس هتخسري معاه حاجات أغلى بكتير زي الكولاجين، ونضارة البشرة، والدهون الطبيعية اللي بتدي الوجه حيوية وجمال”.

ووجهت حديثها للسيدات اللاتي تجاوزن سن الـ 40 قائلة: هتلاقي وشك بدأ يفقد امتلاءه، والخدود بتنزل، والجلد بيترهل، والملامح بتتغير، يعني ممكن جسمك يبان أنحف، بس وشك هيقول إن القطر عدى عليك وما سماش وهو بيعدي".

وأكدت أن هدفها ليس محاربة الرشاقة، بل الدعوة إلى التوازن والقبول الذاتي، قائلة:  لو عايزة تخسي، خسي 5 أو 6 أو حتى 8 كيلو بالكتير، علشان تتخلصي من النفخة أو الكرش الزايد شوية، بعد كده، اهتمي بالرياضة والأكل الصحي.

وتابعت: “أنا مش بتكلم عن الناس اللي عندهم سمنة مفرطة أو مشاكل صحية، أنا بتكلم عن الستات اللي جسمهم ممتلئ شوية المكلبظة الجميلة دي بعد الأربعين أعشقيها وافتخري بيها”.

وأكملت: “البسي اللبس اللي يليق على جسمك، مش اللي يضغطك ويدايقك، الموضة دلوقتي أوفر سايز، فاستغلي ده والبسي حاجات مريحة وأنيقة، خدي بالك من شعرك، من ضوافرك، اعملي ميك أب بسيط، واهتمي بجمالك الطبيعي، مش كلنا مخلوقين عشان نبقى رفيعين، في ستات جمالهم في امتلاء جسمهم، في منحنياتهم، في أنوثتهم الطبيعية، حبي نفسك، حبي سنك، حبي شكلك،  صدقيني، لو حبيتي نفسك الدنيا كلها هتحبك وأولهم جوزك”.

معايير الجمال بين البلوجرز 

وعلى صعيد آخر وجهت الفنانة هيدي كرم رسالة إلى ست البيت، متحدثة عن معايير الجمال، ومحاولة الفتيات وربات البيوت تقليد الفنانين، مؤكدة أن معايير الجمال المنتشرة بين البلوجرز والممثلين زائف وبعيدة عن الواقع.