ليلى علوي عن افتتاح المتحف الكبير: "العالم كله مستني اللحظة دي"| فيديو

عبّرت الفنانة ليلى علوي، عن سعادتها الغامرة واعتزازها الكبير بافتتاح المتحف المصري الكبير، مؤكدة أنها رغم وجودها خارج البلاد تشعر بكل تفاصيل الحدث، وتتابعه من قلبها وكأنها وسط الجماهير في مصر، جاءت تصريحاتها خلال مكالمة مع برنامج "مساء جديد" المذاع عبر قناة المحور، حيث تحدثت عن فخرها بالإنجاز الحضاري الذي يشهده العالم من أرض مصر.

فرحة من القلب رغم الغياب

قالت الفنانة ليلى علوي، إنها تشعر بغيرة إيجابية من كل من يعيش على أرض مصر هذه الأيام، مضيفة: "أنا مش في مصر دلوقتي، بس بجد فرحانة من قلبي، ومش عارفة أعمل إيه من الفخر والانبساط.. إحنا هنا في المهرجان المصري الأمريكي متجمعين كلنا بنتفرج على الافتتاح، ومستنيين اللحظة دي بكل حب وشوق"، وأن الحدث لا يخص المصريين فقط، بل يمثل فخرًا لكل عربي، قائلة: "النهارده العالم كله بيبص على مصر، ومستني يشوف المتحف المصري الكبير.. الإنجاز ده مش بسيط، ده شغل سنين طويلة وتعب دولة كاملة علشان تقدم للعالم حضارة عمرها سبعة آلاف سنة بشكل جديد ومبهر."

وتابعت النجمة ليلى علوي، حديثها عن الأجواء في الخارج، موضحة أن المصريين في الولايات المتحدة تجمعوا للاحتفال ومتابعة الافتتاح لحظة بلحظة: "المصريين في المهجر عندهم حب غير طبيعي لبلدهم.. إحنا فخورين إننا مصريين، وكلنا النهارده حاسين إننا بنشارك في حدث عالمي استثنائي"، وأن المتحف المصري الكبير لا يمثل مجرد مبنى أثري، بل نقلة نوعية في عرض التاريخ المصري: "الناس اللي بتسأل يعني إيه متحف وليه الفرحه دي كلها؟ أحب أقولهم إن ده مش أي متحف، ده بوابة جديدة لحضارتنا العظيمة، وعرض حضاري مختلف بيخلينا نعيش تاريخنا بشكل معاصر ومبهر."

نقلة حضارية عالمية

وأوضحت ليلى علوي، أن الافتتاح يجسد نقلة حضارية كبرى تضع مصر في مقدمة خريطة السياحة العالمية، مؤكدة أن العالم كله كان ينتظر هذه اللحظة منذ سنوات طويلة، قائلة: "رؤساء دول ومشاهير جايين بلدنا مخصوص علشان يشوفوا فخر الحضارة المصرية، وده أكبر دليل إن مصر راجعة بقوة وبتثبت إنها دايمًا أم الدنيا، وأن الفرح العام الذي يعيشه المصريون هو انعكاس مباشر لحالة الاستقرار والتطور التي تشهدها البلاد: "إحنا في فترة حلوة جدًا في بلدنا، مليانة إنجازات وفخر وسلام.. المتحف ده واحد من أهم علامات المرحلة دي، لأنه بيجمع بين التاريخ العريق والمستقبل المشرق."

واختتمت الفنانة ليلى علوي، حديثها برسالة مؤثرة وجهتها إلى الشعب المصري قائلة: "يا رب دايمًا بلدنا تفضل في خير وفخر وإنجاز.. نحافظ على اللي اتعمل ونرعاه لأنه ده مستقبل ولادنا.. الماضي العظيم ده هو اللي هيبني المستقبل الأجمل"، قائلة: "مبروك علينا كلنا، ومبروك لمصر.. واللي حصل النهارده مش بس احتفال، ده بداية عهد جديد من الفخر والعزة"، متابعة: "إن شاء الله نفضل دايمًا نحتفل ببلدنا وباللي بنحققه، ومهما كنت بعيدة جسديًا، قلبي دايمًا في مصر."