"معقول يوصل للمركز 12".. أحمد موسى يفتح النار على تراجع أداء الأهلي
أعرب الإعلامي أحمد موسى عن استيائه الشديد من تراجع ترتيب النادي الأهلي في جدول الدوري المصري، واحتلاله المركز الثاني عشر، موضحا أنها سابقة لم تحدث في تاريخ القلعة الحمراء.
وقال موسى، خلال تقديمه برنامج "على مسؤوليتي" عبر قناة صدى البلد:" "عمري ما شفت الأهلي في المركز الـ12 من وأنا صغير الأهلي طول عمره إما أول أو ثاني، لكن يوصل للترتيب ده.. دي مصيبة كروية، الأهلي مش فريق عادي علشان يبقى في المركز ده".
وأضاف:" الأهلي عنده أفضل لاعيبة في مصر لكن ما عملوش حاجة، لا أداء ولا نتائج وارد نخسر، لكن اللي مش وارد هو الأداء السيئ وده اللي حصل قدام بيراميدز.. عمري ما شوفت الأهلي بالشكل ده".
أحمد موسى: الأهلي مش حقل تجارب
وتابع موسى هجومه على الإدارة الفنية:" الأهلي مش حقل تجارب علشان نجيب مدرب كل شهرين ويمشي، هو ده النادي الأهلي.. لما نبقى في المركز 12، مين بعدينا فين المدرب؟ وفين اللعب الجماعي الأهلي كأنه بلا مدرب حقيقي".
ودعا موسى إلى منح الفرصة لجهاز فني مصري بدل من الاستمرار في التعاقد مع مدربين أجانب يتقاضون رواتب خيالية دون تحقيق نتائج ترضي الجماهير.
أحمد موسى: ليه لازم نجيب أجنبي
وزاد موس:" ليه لازم نجيب أجنبي وندفع له 150 ألف دولار في الشهر.. المدرب المصري مش هيكلفنا ربع ده حتى وكتير منهم قادرين يحققوا نتائج ممتازة لو أخدوا الفرصة.
واختتم موسى بتساؤل غاضب:" فين الأهلي اللي نعرفه.. فين الروح.. فين الأداء؟ اللي بيحصل ده مش مقبول، والسكوت عليه أخطر من الخسارة نفسها".