"مش فاهمين دينكم".. بسنت شوقي توجه رسالة للمتنمرين
وجهت الفنانة بسنت شوقي رسالة للمتنمرين وذلك من خلال حسابها الشخصيى على موقع “فيسبوك”.
بسنت شوقي تستشهد بآية قرآنية للرد على المتنمرين
كتبت بسنت شوقي:" شوف يا مؤمن من دون كل الكومنتات اللى الواحد بيقراها على السوشيال ميديا، اكتر واحدة صعبة بالنسبة لى هى: "الحمد لله الذى عافانا" و بتبقى بعدها فى اغلب الوقت الايموجى ده ليه بقى، عشان يا حبيبى او يا حبيبتى، انت مش فاهم دينك خالص و جاى تتنطط على خلق الله، انت مش حقيقى بتحمد ربنا، انت بتتريق على الغير، و النبرة بتاعتك و نيتك ريحتهم فايحة ربنا بيقول " يا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ"
تابع قائلا: " و برضو بيقول "َلَا تُزَكُّوا أَنفُسَكُمْ ۖ هُوَ أَعْلَمُ بِمَنِ اتَّقَى"، و لو حضرتك قريت تفسير الحديث اللى انت ماشى بتقوله ده و قريت فى صميم دينك هتعرف حاجتين عدم الإبتلاء/ التقرب من الله فضل من الله مش مجهود من حضرتك خالص.. فملكش انك تأخد credit عليه اساسا، لو هتدعى ونيتك فعلا انك تحمد ربنا لازم تقولها بينك وبين نفسك زى مثلا لو شفت حد اعمى او مريض و حمدت ربنا، مش هتروح تقوله فى وشه الحمد لله الذى عافانا ولا ايه؟ يا مؤمن و يا مؤمنة".
أحدث أعمال بسنت شوقي
تنتظر بسنت شوقي أحدث أعمالها فيلم "إذما" بطولة أحمد داود، سلمى ابو ضيف، حمزة دياب، جيسيكا حسام الدين، وعدد آخر من الفنانين، الفيلم من تأليف وإخراج الكاتب محمد صادق ، في أول تجربه له خلف الكاميرا ، ويستند إلى روايته الصادرة عام 2020، والتي لاقت نجاحًا جماهيريًا ونقديًا واسعًا في العالم العربي ، ومن إنتاج ذا بروديسورز لهاني أسام