ماذا قال محمد سليمان لنجيب ساويرس عن واقعة المليار جنيه؟
أشاد الفنان محمد سليمان برجل الأعمال ومؤسس مهرجان الجونة نجيب ساويرس، بعد تبرعه بمبلغ مليار جنيه لدعم الفقراء، وعبّر عن تقديره لهذه الخطوة الإنسانية.
ونشر سليمان صورة على حسابه الرسمي بموقع “فيسبوك” تم تصميمها بتقنية الذكاء الاصطناعي تجمعه بساويرس، وكتب معلقًا: “بصراحة لما سمعت إن نجيب ساويرس اتبرّع بمليار جنيه للفقراء، وقال إنه بنفسه هيتابع توزيعها، قلت لنفسي: أهو فيه ناس لسه عندها ضمير، الراجل ما حبّش يسلّم الفلوس لجهة ويخلّص، لا، قرر إنه يشوف بعينه الفلوس دي رايحة لمين، وده تصرّف كبير ومحترم”.
وانتقد غياب المبادرات المشابهة من بعض رجال الأعمال الآخرين، قائلًا: "اللي يزعل يزعل بقى.. فين باقي الأغنياء؟ فين اللي معاهم مليارات أكتر؟ عاملين نفسهم مش شايفين، مش دي الفلوس اللي طلعت من جيوب الناس، من شقى وتعب المصريين؟".
وتابع: "من اقتصاد بلدنا اللي إحنا بنشيله على ضهرنا.. يبقى ليه لما الناس تعبت الغني يدوّر وشه، الغِنى مش عيب، العيب إنك تكون غني وناسي الناس اللي كانت السبب في اللي انت فيه ” .
واختتم حديثه بالشكر والامتتان، قائلا: “ تحية من القلب لنجيب ساويرس.. مش علشان الفلوس، علشان الموقف والنية، الراجل ده وطني بجد”.
سليمان كان قد علق على ارتفاع أسعار البنزين وتأثيرها على حياة المواطنين، قائلا إنه كان في الماضي يخرج بسيارته لتغيير الأجواء، أما الآن فأصبح يفكر طويلًا قبل أي مشوار بسبب غلاء الوقود.
قال سليمان في منشور عبر حسابه الرسمي على "فيسبوك": "كنت زمان لما أحب أغير جو أطلع بالعربية وألف، دلوقتي بقيت ألف حوالين نفسي قبل ما أقرر أروح فين، البنزين بقى أغلى من مشاويري نفسها، كل مرة أقف عند المحطة بحس إني داخل أشتري دهب مش وقود، لدرجة إني بقيت أفكر أركن العربية وأستخدمها كديكور، أو أفتح بيها كافيه متنقل وأعوّض اللي بصرفه، الحمد لله على كل حال، بس فعلاً الوضع بقى محتاج خطة تموين قبل أي مشوار".
مطالبة بتطبيق الحد الأدنى للأجور
أعلنت نقابة العاملين بالقطاع الخاص، أنها تابعت باهتمام بالغ قرارالحكومة بشأن رفع أسعار الوقود البنزين والسولار والغاز بنسب تتراوح ما بين 10% و12% تقريبًا، وذلك بحسب ما أعلنته اللجنة المعنية بتسعيرالمنتجات البترولية.