مش لاقيين عمال تشتغل.. إضراب الخبازين في الشرقية بسبب الأجور وزيادة البنزين
يخبز العيش ولا يلقاه، الخباز الذي تضرب فيه الأمثال يعاني من ضعف فرص على الخبز بسبب الأجر الضعيف، هذا ما يتعرض له الخبازون في عدد من المخابز في عدة محافظات مصرية، خاصة محافظة الشرقية، فمع ارتفاع تكاليف التشغيل وصعوبة إيجاد عمالة مدربة، أصبحت المخابز تواجه أزمة حقيقية تهدد استمرار إنتاج رغيف الخبز المدعم، فيما فتح «إيجبتك» الملف واستمع لشكاوى أصحاب المخابز والعاملين بها.
صاحب أحد المخابز لـ«إيجبتك»: مش لاقيين عمال تشتغل
"مش لاقيين عمال تشتغل".. يقول أحد أصحاب المخابز «عمران أحمد» إن خلال الفترة الحالية، لا يوجد حل لأزمة المخابز، بسبب عدم وجود عمال للعمل بالمخابز، والمتوافرون حاليًا لا يملكون الخبرة الكافية معبرًا: «فاهمين شغل المخبز».
وأوضح أن “هناك ضمور واضح في أعداد العمال داخل المخابز، واللي لسه مكملين في الشغل بقوا يطالبوا برفع أجورهم بسبب ارتفاع تكاليف المعيشة، ودلوقتي تكلفة إنتاج شوال الدقيق زادت بشكل كبير نتيجة ارتفاع مصاريف العمالة والإكراميات، إلى جانب فواتير الغاز والكهرباء والمياه، وكل ده بيضغط على أصحاب المخابز اللي بيشتغلوا في إطار منظومة الدعم المحددة من الدولة”.
وأضاف: «الخباز بياخد 50 جنيها في اليوم، والخراط 45، والعجان 25، ومشال الدقيق 10، دا غير الغاز والكهربا والإيجار اللي بيزيد كل يوم، فين التكلفة العادلة؟ إحنا مش ضد الدعم، بس لازم يبقى في توازن بين التكلفة وسعر الرغيف».
أحد الخبازين لـ«إيجبتك»: أجر اليوم ما يكفيش مصاريف البيت
من جانبه، قال "محمد السيد"، أحد الخبازين العاملين بمخابز العيش البلدي في مركز الزقازيق: «الأجور قليلة جدًا مقارنة بتعبنا، احنا بنبدأ الشغل من الفجر لحد الظهر في حر النار، ورغم كده أجر اليوم لا يكفى مصاريف البيت، ولازم الوزارة تراجع الأجور وتعمل حوافز تشجع الشباب يدخلوا المهنة تاني، لأن أغلب العمال بيسيبوا الشغل ويدوروا على أي وظيفة تانية فيها دخل أحسن».
وأضاف: «احنا مش ضد أصحاب المخابز، بالعكس، كلنا في مركب واحدة، لكن محتاجين تدخل سريع من التموين علشان المخابز ما توقفش، لأن رغيف العيش خط أحمر لكل بيت مصري».