محاولة صعود الحاج فوزي للأتوبيس تتحول لمشهد يهز المنصورة
عاشت مدينة المنصورة مشهدًا مؤلمًا أعاد للأذهان غياب الرحمة في التعامل مع كبار السن، بعد أن سقط الحاج فوزي أحد أبناء قرية ميت النحال التابعة لمركز دكرنس بمحافظة الدقهلية أثناء محاولة استقلاله أحد الأتوبيسات العامة، بعدما رفض الكمسري السماح له بالصعود، وتحرك السائق تاركًا الرجل العجوز يسقط على الأرض في مشهد أبكى كل من شاهده.
جيران الحاج فوزي: "البلد كلها بتحبه وبيته مفتوح للناس"
قال أحد جيران الحاج فوزي إن الجميع في القرية يعرفونه بطيبة قلبه وأخلاقه العالية، مضيفًا: "ده راجل طيب، وبيحب الناس كلها، وبيسعى دايمًا يطمن على جيرانه، وكلنا زعلنا لما سمعنا اللي حصل معاه."
وأشار آخر إلى أن بيت الحاج فوزي من البيوت المعروفة في القرية بكرمها، وقال: "من الغريب إن بيته النهارده فاضي، الناس كلها كانت بتدخل وتخرج عليه، ده راجل فلاح محترم، وبيته عمره ما كان مقفول."
سيدة من الجيران: "مينفعش راجل كبير يتهان كده"
روت إحدى السيدات من جيران الحاج فوزي بدموعها: "ده راجل طيب جدًا، وعيونه كانت تعبانه اليومين اللي فاتوا، والبلد كلها بتحبه وبتحب ولاده، وكان دايمًا يقعد على المصطبة قدام البيت يتكلم مع الناس. اللي وجعنا إن محدش كان معاه وقتها، ومينفعش راجل كبير يتعامل كده أبداً."
حالة من الغضب تجتاح مواقع التواصل
أثار الفيديو الذي وثّق الواقعة حالة من الغضب الواسع على مواقع التواصل الاجتماعي، حيث طالب رواد السوشيال ميديا بمحاسبة المسؤولين عن الواقعة، مؤكدين أن ما حدث لا يليق بكرامة أي إنسان، خاصةً كبار السن الذين أفنوا عمرهم في خدمة بلدهم.
دعوات لمحاسبة المقصرين
وطالب الأهالي بسرعة التحقيق في الواقعة، مؤكدين أن الرحمة يجب أن تسبق أي قرار، وأن التعامل مع كبار السن يجب أن يكون قائمًا على الاحترام والتقدير، وليس الإهانة أو التجاهل.