محمد سامي بعد هدية مي عمر: «أنا مش موظف»
رد المخرج محمد سامي، على الانتقادات التي تعرض لها في الساعات القليلة الماضية بعد هديته إلى زوجته الفنانة مي عمر، بمناسبة عيد ميلادها، كما تحدث عن علاقتهما الشخصية والمهنية، مؤكدًا أن الهدايا التى يقدمها لها لا يجب أن تكون محل استغراب من الجمهور.
أبرز تصريحات محمد سامي
قال محمد سامي: “أولًا مابعتش الساعة اللي هي جابتهالي أنا كنت بهزر، ومعتقدش إني بخاف من الحسد لأن ناس كتير عندها حاجات أكتر محصلهاش حاجة، وفي ناس كتير في العالم تتحسد أكتر”.
وتابع محمد سامي: “مش غريب إني بعد كل السنين والشغل ده إني أقدر أجيب العربية دي، أنا مش بشتغل موظف عشان يكون دخلي محدود، أنا بشتغل شغلانة فنية بتجيب فلوس كتير وربنا يكرم الناس كلها”.
وأضاف محمد سامي: "مي شخص مش مادي خالص ومش بتحب الدهب ومش بتقولي اشتريلي كذا، ولو جبتلها شنطة بتقولي ليه جبتلي ما أنا عندي، وهي مرة كانت بتصور مسلسل بعربية شبه دي، وعجبتها فقولت هجيبها وده قليل عليها".