أمينة وياسمين نيازي تعلقان على ظهور عزة سعيد بحالة غير متزنة
أبدت المطربتان أمينة وياسمين نيازي، استيائهما الشديد من ظهور الفنانة عزة سعيد في حالة غير متزنة خلال مقابلة تلفزيونية، أدلت بتصريحات البعض رأي أنها لا تصدر سوى من شخص يمر بأزمة نفسية كونها لم تشارك في أي عمل فني بعد أن قدمت العديد من الأعمال.
وكتبت المطربة ياسمين نيازي عبر حسابها الشخصي بموقع فيسبوك قائلة: «عيب أوووي فنان زيك يا إدوارد تكملوا الحلقة وتزيعوا، عيب عليكم عيب يا بتوع التريند تستغلو أي شيء زي دا، عزة فنانة موهوبة وإنسانة جميلة وكل المعهد عارفها وعارف هي مين حتى لو اختفت ورجعت وعملتوا معاها لقاء ليه يبقا دا محتواكم؟».
اختفاء عزة سعيد
وتابعت ياسمين نيازي: «دا ربنا أمر بالستر يا أخي منك لها .. شايفها تعبانة ليه تعمل كدا؟، لا تعليق على دا إعلام وعلى دا برنامج، للدرجة دي معندكوش محتوى عشان تعملو ضجة غير انكم تستغلوا تعب إنسان وتطلعوه بحالة زي دي، يااااه منكم بس ليكم يوم جميعاً خلي بالكم مش هتعدي وحساب ربنا في الدنيا ليكم قبل الآخرة».
واختتم ياسمين نيازي: «عزة سعيد فنانة كبيرة غصب عنكم بس الأيام والدنيا منصفوهاش يا بتوع الفن، بطالب دكتور أشرف زكي الأب والضهر الحقيقي للفنانين يشوف عزة أو أعضاء مجلس إدارة النقابة اللي كلهم دفعتها ومش هكتب أسامي ويسالوا عليها، دي بنت الأكاديمية وكل زمايلها ودفعتها اسألوا عليه متخلوش الدنيا تنسيكم انسانيتكم».
فيما كتبت المطربة أمينة عبر موقع فيسبوك: «عزة سعيد أنا عارفاها كويس جداً كانت معانا فى المعهد وكانت مخلصة دار علوم وقدمت فى المعهد ونجحت وكانت ممثله عبقريه مفيش منها 2 بقالى كتير ما بشوفهاش شوفتها دلوقتى زعلت جداً عليها».
وتابعت أمينة: «قلة التقدير والتهميش ممكن توصل الواحد لفين خصوصاً انها كانت عارفة قدر موهبتها عشان كده نفسيتها تعبت من عدم تقدير الموهبة دى وانها تشوف حلمها بيروح منها لناس ماعندهاش ربع موهبتها خساره كبيره بجد ياريت لو النقابه تتبنى حالتها ويساعدوها يمكن يبقى فى أمل».
على جانب آخر قالت الفنانة عزة سعيد إنها لم تُهين أي شخص خلال حديثها في مقابلة تلفزيونية، حيث تحدّثت عن المخرج يوسف شاهين الذي كان يرغب في التعاقد معها لأداء عدة أفلام، بالإضافة إلى تقديمها 20 فيلماً سينمائياً مع المخرج شريف عرفة.
وأوضحت عزة سعيد في تصريحات سابقة لـ «إيجبتك»: "أنا ما هجمتش على حد في البرنامج، وقلت الكلام ده، ومش من حقي حد يحاسبني على كلامي طالما ما غلطتش في حق حد".