مرتضى منصور رفض يقابلني.. معتز إينو يكشف كواليس رحيله عن الزمالك
كشف معتز اينو نجم الأهلي الأسبق، كواليس رحيله عن نادي الزمالك وانتقاله للأهلي، بعد تجاهل مسئولي النادي تجديد عقده.
وقال معتز اينو الذي حل ضيفا علي الإعلامي عمر ربيع ياسين في برنامجه مان تو مان: "بص أنا قبلها بفترة كنت بلعب كويس ومنتخب مصر لكن في نادي الزمالك كان يقولك ابن النادي أو الولد الصغير مش دلوقتي، دائما اللي جاي من بره هو المرغوب وييجوا على اللاعب الصغير".
وتابع معتز اينو: "كنت مكسر الدنيا وبجيب أجوان..قولتلهم يا جماعة عاوز أجدد ومحدش سأل فيا، وقبل ما أروح الأهلي السنة دي كنت بجيب أجوان وأنا اللي بخلص المباريات، يا جماعة عاوز أجدد وأنا اللي بلعب وبروح المنتخب وكنت باخد 50 أو 60 ألف جنيه حاجة كدة وكل الصفقات اللي جاية من بره مش بتلعب وبتاخد أرقام".
وأوضح معتز اينو نجم الأهلي السابق: "كنت لسه صغير وخاطب وعاوز أجهز نفسي وأظبط دنيتي لكن محدش بيسأل فيا، في مرة المستشار مرتضى منصور قالي تعالى الساعة 12 رحت أنا وأبويا الساعة 12 الظهر وأتاري أنها 12 بالليل،
واستكمل، معتز اينو فضلت قاعد ومروحتش ومستني في المكتب وبرضو مقابلتوش وحد طلع قالنا تعالوا وقت تاني، فالمواقف دي بتنهي أي حاجة".
وعن مفاوضات الأهلي، قال معتز اينو : "لما النادي الأهلي أتدخل الموضوع اتغير خالص، كنت عاوز أروح أشوف الدنيا هناك وأكيد عقد مالي كبير ومانويل جوزيه اللي طلبني فالموضوع كان نقله تانية هتجيب اللي نفسك فيه، والنادي الأهلي نادي كبير وأي حد يتمنى يلعب فيه وكان مكتسح البطولات وفعلا الدنيا أتغيرت معايا".
قائمة الأهلي لمواجهة غزل المحلة:
حراسة المرمى: محمد الشناوي - مصطفى شوبيرـ أحمد عابدين
خط الدفاع: عمر كمال عبد الواحد- رمضان بيكهام - أشرف داري - كريم فؤاد - أحمد كوكا- مصطفى العش
خط الوسط: محمد بن رمضان - محمود تريزيجيه - أحمد رضا - إليو ديانج - محمد مجدي افشة
في الهجوم: أحمد سيد زيزو - طاهر محمد طاهر - أشرف بن شرقي - حسين الشحات - جاراديشار - محمد شريف