بشرة خير.. محمود سعد يزف أخبار جديدة لمحبي أنغام
نشر الإعلامي محمود سعد أخبار جديدة عن أخر تطورات الحالة الصحية للفنانة أنغام من ميونخ بألمانيا، مؤكدًا أن حالتها في تحسن.
وقال سعد فى منشور له على صفحته الرسمية على موقع التواصل الإجتماعي فيس بوك، «لمحبي انغام الكتير قوي، قوي قوي، هاقولكم أحدث الأخبار مساء السبت من ميونخ، كنت منتظر نتائج التحاليل زي ما قلتلكم في أخر خبر كتبته عن انغام، الحمد لله الأرقام تقترب جدا من الأرقام الطبيعية، ونصح الأطباء أنغام بالمشي خارج غرفتها، وهي الحمد لله بتاكل بشكل طبيعي».
لم يحدث خطأ طبي فى العملية
ونفي محمود سعد وجود خراج خارج البنكرياس قائلًا «الكلام عن وجود خراج على البنكرياس غير صحيح اطلاقا، ولم يحدث أي خطأ طبي في العملية، والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة».
وتابع: «زي ما قلتلكم أنغام إختارت المستشفى دي لأنها متخصصة في الجراحات الخاصة بالبنكرياس، كمان أنغام لم تخضع لـ3 عمليات جراحية زي ما اشيع، واخيرًا بالنسبة للألم الحمد لله دلوقتي في تراجع».
المحنة كشفت الحب
وقال سعد فى منشوره: «عايز اقولكم أن المحنة اللي مرت بيها أنغام كشفت عن حالة حب حقيقية في منتهى القوة والصدق.. وهي تستحق ده، أنا أعرف أنغام من سنين طويلة وعارف هي تعبت وشقيت قد ايه علشان توصل للي هي فيه.. فحبكم الصادق جدا هو لفنانة صادقة جدا.. وتستحقه..دعواتكم بقى علشان تقوم بالسلامة وتعبر رحلة الألم والحب»