جار «محامي حلوان» المقتول في التحقيقات: «كان بينزف وبيقول رموني من فوق»| خاص
يستكمل «إيجبتكِ» نشر نص التحقيقات في واقعة مقتل المحامي عبد الرحمن وحيد، في الواقعة المعروفة إعلاميًا بـ«محامي حلوان» المتهم فيها 5 أشخاص بينهم فتاة، في القضية التي حملت رقم 16665 لسنة 2025، بعد أن قاموا بإلقائه من أعلى العقار الكائن بشارع ذو الفقار بدائرة قسم شرطة حلوان، والذي تم تجديد حبسهم 15 يوم للمرة الثالثة أمام قاضي الجزئي بمحكمة حلوان.
وبحسب التحقيقات، فإن النيابة وجهت للمتهمين الخمسة، كلا من المتهم الأول «عبد الرحمن س ع»، والمتهم الثاني «مصطفى ع ع»، والمتهم الثالث «محمد أ م أ»، والمتهم الرابع «عمر ن م»، والمتهم الخامس «سمر ر ع» ، 3 تهم قتل عمد، وإتلاف، وبلطجة.
وسجلت أوراق التحقيقات أقوال جار«م غ» المجني عليه في مستهل التحقيقات التي انفرد به موقع «إيجبتكِ»» والتي جاءت كالتالي:
س ما صلتك بالواقعة محل التحقيق ؟
ج: أنا أحد ملاك العقار الي ساكن فيه المجني عليه المتوفى عبد الرحمن وحيد فاروق أحمد .
س وهل سالف الذكر مالكاً للوحدة السكنية أم مستأجر ؟
ج هو مأجر الشقة مني أنا شخصياً على مدد مختلفة على أساس أن لما عقد الإيجار أو مدته تنتهي بيتم كتابة عقد جديد بيني وبينه .
س ومنذ متى سالف الذكر يقطن بتلك الوحدة السكنية محل الواقعة والمستأجرة منك ؟
ج هو بقاله تقريباً أكثر من سنه ساكن في الشقة الي ماجرها مني .
س وما سبب مثولك أمامنا اليوم ؟
ج: أنا جاي أقول اللي أعرفه وشوفته وجيت بناء على استدعاء النيابة من مكان الواقعة .
قالي الحقي رموني في من فوق ولما سألته تعرفهم قالي لا أنا معرفهمش
س وما معلوماتك بشأن الواقعة محل التحقيق ؟
ج/ اللي حصل أن أنا أحد ملاك العقار الي المتوفي مستأجر منه شقه والعقار مملوك على المشاع بين المورثة والعقار ليع مدخلين المدخل الأول أنا قاطن فيه وده مغلق بباب حديد والمدخل الثاني مفتوح ومخصص المستأجرين والمرحوم مأجر الشقة مني بالدور الرابع من أكثر من سنه تقريباً وهو مقيم بفرده وأعزب وبيشتغل محامي ابتدائي بمكتب أحد السادة المحامين ويدعى «حمدي محمد كمنة» والنهاردة فجر يوم 8/9/2025، تقريبا حوالي الساعة 3 الفجر أنا كنت نايم في الشقة بتاعتي في الدور الأرضي ومرة واحدة لقيت بنتي عايشة معايا في نفس الشقة دخلت عليا وصحتني من النوم بتقولي ألحق يا بابا في حد في مدخل العمارة جنبيينا عما يستغيث وعمال يقول أن جامد وبيقول أحلقني ، قوم بسرعة شوف في أيه؟، فأنا من الخضة أو المدخل لقيت حد واقع في الأرض المحامي الأستاذ/ عبد الرحمن وحيد، وطلعت أجري على مدخل العمارة من الداخل وكان لابس هدومه ، لبس بيت تيشيرت وشورت بيتي وكان في كدمات شديده جداً في ركبته وفخذه وجسمه مخشم ومش قادر يتحرك واعمال يقول :"أه أه أه" وبياخد نفسه بالعافية بس كان لسه في الروح فسألته ايه الي عمل فيك كدة يا عبد الرحمن؟ ، فرد وقال :"في ناس طلعوا عليا في الشقة فوق ورموني من شباك الشقة بتاعي الي بيبص على طرقة مدخل العمارة "، فبقوله أنت عارف هما مين الي رموك؟، قالي لا أنا معرفهمش وكررت عليه السؤال ده أكثر من مره قالي معرفهمش وبعدها راح طالب مني إني أطلب ليه الإسعاف عشان أنقذه وفعلاً أنا كلمت الإسعاف وطلبت النجدة والإسعاف حضرت بعد فترة وجيزة وأخدوا على مستشفى 15 مايو وبعدها عرفت أن هو توفاه الله وهو ده كل اللي أعرفه .
س متى وأين حدث ذلك ؟
ج الكلام ده حصل فجر اليوم بتاريخ 8/9/2025 حوالي الساعة 3 الفجر تقريباً بمدخل العقار رقم 1 شارع و الفقار - متفرع من ناصية شارع عثمان - حلوان - القاهرة .
س: ومن كان برفقتك أنذك ؟
ج انا كنت لوحدي ساعتها لأن باقي الجيران كانوا نائمين ولما أنا خرجت ساعتها كان المدخل فاضي مفيش غير عبد الرحمن