باسم يوسف: «أنا الرجل الغلط في المكان الغلط»

تعجب باسم يوسف، من الضجة والهالة سواء الإعلامية أو الإخبارية التي تحدث حوله بمجرد ظهور إعلان عن عودته للإعلام، أو حتى تقديم برنامج أو مداخلات مع الكثير من الإعلاميين.

وأضاف باسم يوسف، خلال لقائه في برنامج "كلمة أخيرة" الذي يقدمه الإعلامي أحمد سالم على قناة ON، عبر تطبيق "زوم": "أنا نفسي معرفش إيه سبب الضجة اللي بتحصل وإثارة الجدل اللي أنا بعملها اللي كل الناس بتقول عليها".

باسم يوسف: أنا مش كوميديان

وتابع باسم يوسف: "وحاجة جوايا تقولي: أنت مش كوميديان، أنت وليد صدفة.. أنا الراجل الغلط في المكان الغلط.. بلاقي نفسي في مكان مش بتاعي.. واحد بيحب الكوميديا وبعدين لقيت نفسي في أخبار السياسة أكتر من الكوميديا، ده شيء مبرجلني".

وواصل باسم يوسف: "كل شوية يظهر عليا كلام، وبالذات لما بكون هطلع على الشاشة، يتقال عليا كلام كتير أوي وكل الكلام ده بيبقى مش صح".

وقال باسم يوسف: "معظم الشباب الصغير مش فاهمين ليه الدوشة؟ مين عمو اللي طالع على التلفزيون ده؟".

باسم يوسف يكشف سبب انتظار الجمهور لظهوره

وعن سبب انتظار الجمهور لظهوره مجددًا، أضاف باسم يوسف: "الناس عاوزة تتسلى، لو عملت حوار مع لعيب كورة، ممثل مشهور، ممثل له شعبية، أو إنفلونسر، الناس مستعدة تدفع فلوس من وقتها علشان التسلية دي، أكتر حاجة بتسمعها: إزاي لعيب كورة ياخد الفلوس دي؟ يعني إيه أتمرمط في هندسة وطب، وييجي واحد أراجوز ولا إنفلونسر ياخد في الدقيقة أكتر ما باخد في السنة؟ أنا كواحد أتمرمط في الطب 20 سنة، شايف الموضوع ده صح جدًا". 

وتابع: "ممكن تكون شايفه مش عدل، ولكن له مبرر.. الناس بتجيبك كدكتور كاحتياج، لكن اللي بيروح ماتش كورة أو ستاند أب كوميدي أو فيلم رايح بمزاجه، الناس مستعدة تدفع علشان المزاج أكتر ما تدفع علشان الاحتياج، كلنا سلع في الآخر، الناس بتروح للي بيسليها".

عرض عودة باسم يوسف للشاشة عبر أون

يذكر أن شبكة قنوات ON، كانت عرضت البرومو التشويقي الأول لفقرة باسم يوسف بصوت الدكتور طارق نور، رئيس مجلس إدارة الشركة المتحدة للخدمات الإعلامية؛ الأمر الذي أثار تفاعلًا واسعًا عبر مواقع التواصل الاجتماعي.

ويشار إلى أن منصة WATCH iT،كانت روجت لظهور باسم يوسف من خلال سلسلة حلقات جديدة ضمن برنامج "كلمة أخيرة"، فيما نشرت عبر صفحتها الرسمية على "إنستجرام" البرومو الذي يتحدث فيه يوسف عن رحلته في الولايات المتحدة الأمريكية، كاشفًا كيف تغيرت نظرته للحياة والشهرة منذ انتقاله إلى هناك.

فيما أكد أنه واجه تحديات كبيرة حتى استعاد مكانته الإعلامية في الخارج، وذلك بعدما رحل عن مصر منذ أكثر من عقد من الزمان.