رئيس مجلس الإدارة
منذر الخلالي
رئيس التحرير
أحمد رفعت

المنتجة مها سليم للعاملين بالوسط الفني: كلنا السبب في اللي إحنا واصلين له

إيجبتكِ

أثارت الأوضاع التي تمر بها صناعة السينما والدراما في مصر حالة من الجدل بين عدد من المنتجين والفنانين، الذين عبروا عن قلقهم إزاء التحديات التي تواجه المجال الفني، في ظل ارتفاع تكاليف الإنتاج وتزايد الأعباء المالية، مطالبين بضرورة التكاتف للوصول إلى حلول تضمن استمرار الصناعة والحفاظ على فرص العمل للعاملين بها.

وفي هذا السياق، انضمت المنتجة مها سليم إلى قائمة المتحدثين عن الأزمة، إذ وجهت رسالة إلى العاملين في الوسط الفني، دعتهم خلالها إلى إعادة النظر في الأجور والمطالب المالية، محذرة من تداعيات استمرار ارتفاع النفقات بالتزامن مع ثبات حجم الإعلانات.

وكتبت مها سليم عبر حسابها الرسمي على موقع «فيسبوك»: «طيب خلوني أقول لكم حاجة مهمة ومش هاعملها تاني، كلنا السبب في اللي احنا واصلين له ولسه هانوصل لأسوأ لو كملنا كده، اللي كان واخد جنيه السنة اللي فاتت طالب 3 جنيه السنة دي الصغير والكبير طالب من الإنتاج عربيات تجيبه وتوديه سواء نجم أو فريق خلف الكاميرا، كل واحد عايز مساعد واتنين وراه، كل فنان وراه فريق عمل وغيره وغيره وغيره».

وأضافت: «وحجم الإعلانات زي ما هي لا ومش بس كده ده بقي في جزء من الصرف الاعلاني بيتم صرفه في وسايل تانيه بعيده عن الشاشات، وعدد القنوات والمنصات زي ما هي، ساعدوا نفسكم وساعدونا إننا نشتغل، دي صناعة كبيرة مفتوح منها بيوت كتيررررررر جدا جدا».

وتابعت مها سليم دعوتها إلى تخفيف الأعباء المالية، مؤكدة ضرورة مراعاة الظروف الحالية التي تمر بها الصناعة، وقالت: «وعلشان تفضل قايمة ومستمرة وحضرتك عايز تحسب بدل ما تطلب 10 جنيه اكتفي بـ8 جنيه علشان تشتغل بدل ما كلنا نقعد في البيت في ضوء ما يحدث في الدنيا كلها، ده بخلاف مشاكلنا الإنتاجية في التسويق، أرجوكم من أول المنتج لحد أصغر عنصر في العمل ساعدوا نفسكم وساعدونا علشان تفضل بيوتنا كلنا مفتوحة وشكرا، سلامو عليكو».

تم نسخ الرابط
برنامج في المساء مع قصواء