مجدى الهواري يعلن انتهاء تصوير "جريمة في الزمالك "

كشف المنتج والمخرج مجدى الهوارى انتهاء تصوير حكاية “جريمة فى الزمالك” بطولة صبا مبارك، وهى رابع حكايات الموسم الأول من مسلسل القصة الكاملة، المقرر طرحه عبر منصة شاهد يوم 28 أغسطس الجارى.

وكتب مجدى الهوارى عبر حسابه الرسمى على “فيسبوك”: “ماشاء الله فركش القصة الرابعة.. الحمدلله والشكر لله واشكر الجميع على التعب والمجهود الصراحة محدش ماتعبش ولم يقصر أحد كله الأقسام كانت مؤمنة بالمشروع.. أولهم الصديقة المجتهدة والموهوبة صبا مبارك، وأشكر أحمد بهاء الممثل المحترم واللى حبيته جدا.. احمد بهاء ( بوب) ومحمد على رزق اللى أعجبت بدوره جدا فى مسلسل فات المعاد وعينى عليه.. لحد ماجت الفرصةً، وحازم إيهاب كان عجبنى فى الكوميدى وفى الجاد، وكل الممثلين الحقيقة مش عايز انسى حد، طبعا الأساس الاستاذ سامح سند”.

وأضاف: «أما عن المخرج فهو ابنى وطبعا شاهدتى فيه مجروحة محمود عبدالتواب طول عمره جدع، المخلص والشاطر (توبة)، والمؤلف عمرو سمير عاطف».

وتابع: «أما عن التصوير، الديكور، تصميم ملابس، إنتاج، مونتاج، مكياج، موسيقى، هندسة الصوت، مكساج، فوتغرافيا، جرافيك، تصميم، إدارة الشركة، تسويق، الإدارة المالية، المتابعة، فكرونى لو نسيت حد، ماريو وحمزة الهوارى، فكلهم مش أول قصة وكتبت فيهم بوست قبل كده عظيم وكده كده اللى شغال على المشروع ده فأكيد هو جامد ومحترف ومصدق وحابب علشان يطلع الفورمات زى ماهو وزى ما المفروض يتعمل».

واختتم الهواري؛ قائلًا: «وأوعدكم هتشوفوا كل الناس دى مختلفة فى المشروع ده، وإلى اللقاء فى القصة القادمة 28- 8 على شاهد».