بعد تكهن الجمهور..هل قصدت إيمي طلعت زكريا أحمد آدم بعد رفضه مساعدتها؟

تصدر الفنان طلعت زكريا على مؤشر البحث جوجل خلال الساعات الماضية عقب ظهور إبنته إيمي في إحدى البرامج التلفزيونية والتي أكدت أن والدها توفي وهو مديون بمبلغ 100 ألف جنية لصالح الضرائب وطلبت من فنان صديق له سداد المبلغ ولكنه رفض وأبدى رد فعل صادم.

طلعت زكريا تريند جوجل

وتكهن الجمهور بأن الفنانة إيمي طلعت زكريا كانت تقصد الفنان أحمد آدم بحكم صداقتهما المقربة وعلاقتهما الواطيدة فدائماً ما كان يتحدث كل منهما عن الآخر بشكل إيجابي، وبالتواصل مع إيمي للرد على تلك الأقاويل، أكدت في تصريح خاص لـ "إيجبتك"، أنها لم تقصد الفنان أحمد آدم على الإطلاق بل كان فنان آخر ورفضت الإفصاح عنه إحتراماً له وحتى لا تسئ له ولعائلته وتجد نفسها في مأزق.

إيمي طلعت زكريا ووالدها

وتابعت إيمي طلعت زكريا قائلة :"ربنا يرحم والدي ودايما بفتكره بالحلو اللي عمله معانا هو كان أب بمعنى الكلمة ودايماً كان بيضحى علشان خاطر أولاده وأنا وهنا وفرح وعمر دايماً بنكون متجمعين مع بعض ونتكلم عن الحاجات اللي كان بيقدمها لينا علشان نكون مبسوطين في حياتنا".

أحمد فهمي وطلعت زكريا

وفي سياق متصل قالت الفنانة إيمي طلعت زكريا، أن الفنان أحمد فهمي، لعب دورا كبيرا، في إنهاء أزمة مالية مع الضرائب، تخص والدها الفنان الراحل طلعت زكريا.

وتابعت: " ماحدش وقف جنبنا من الناحية المادية بعد وفاة بابا، بابا الحمد لله سايب لنا اللي يكفينا زي أي أب، لكن الناس عندها فكرة إن الممثل معاه فلوس كتير، بس طبعًا بابا علشان فترة المرض اللي مر بيها كان في صرف وشوية مشاكل في الضرائب".

ديون طلعت زكريا بمبلغ 100 ألف جنية

وأضافت: "بعد ما توفى على طول كان في مبلغ عليه في الضرايب حوالي 100 ألف جنيه، وقلت لعمر يكلم نجم كبير وشهير كان صاحب عمر بابا واشتغل معاه كتير، والنجم قال لعمر والله أنا عليَّ ديون، ورد فعله كان صادم".

وأوضحت إيمي :"احنا ما كناش عايزين ناخد منه شفقة، إحنا عايزين بس عايزينها سلف، نسد الدين للضرايب، عشان المتوفى مش بيتحاسب تقريبا لغاية الدين ما يتسدد".

وعن طريقة سداد المبلغ قالت: "شهادة حق أشهدها الفنان أحمد فهمي هو اللي دفعهم ومقالش، وعرفنا بعد كده ومرضيش ياخدهم، وأحمد فهمي بجد من الناس الطيبة و أثبت حبه لبابا"