الإعلامية مريم أمين تعلن غيابها عن تقديم "من ماسبيرو"
أعلنت الإعلامية مريم أمين توقفها عن تقديم برنامج من ماسبيرو، من خلال رسالة نشرتها عبر حسابها الرسمي على مواقع التواصل الاجتماعي “فيسبوك” ، أعربت خلالها عن امتنانها للجمهور، مؤكدة أنها كانت تتمنى استكمال التجربة.
وكتبت مريم أمين: “يمكن يكون لربنا كلام تاني.. بس إلى أن يحدث، أنا للأسف مش موجودة أيام السبت بتاعتي في (من ماسبيرو).”
وأضافت “أنها بذلت جهدًا كبيرًا في إعداد وتقديم حلقاتها، قائلة: أتمنى يكون مجهودي وحلقاتي اللي حاولت جاهدة إني أعدها وأقدمها، بمستوى يليق بكم، واللي كانت بدايتها مع الايقونه شريهان و داليا البحيرى و كابتن فاروق جعفر …بمستوى يليق بحضراتكم و تكون كانت عند حسن ظنكم
وكان عندي ترتيبات و مفاجآت حلوه كتير تليق بجمهور ماسبيرو و الجمهور المصرى عموما …… مع نجوم و نجمات كلنا بنحبهم…… و موضوعات اخرى كتيره اجتماعيه…. حياتيه…. رياضيه… الخ.”
وأشارت “إلى أنها كانت تستعد لتقديم عدد من المفاجآت واللقاءات مع نجوم الفن والرياضة، إلى جانب مناقشة العديد من الموضوعات الاجتماعية والحياتية، إلا أن الظروف حالت دون استكمالها.”
ووجهت مريم أمين الشكر للإعلامية سناء منصور، قائلة: “وطبعا شكر كبير للإعلامية العظيمة سناء منصور على تقديمها ليا، كان فيها كل الحب والتقدير، من أستاذة تعلم جيدًا قيمة تلاميذها وتقدرهم، تقديمه ممكن أعيش عليه العمر كله.”
الستات تسكت دلوقتي.. والرجالة بخلاء غصب عنهم
وسبق وأن وجهت المذيعة مريم أمين، رسالة للسيدات في برنامجها، قائلة: “الستات تركن شوية وتسكت، وما حدش ييجي ناحية الرجالة في موضوع الفلوس دلوقتي، أنتم فاهمين يعني إيه أنكم ماسكين في رقبته؟ كل راجل دلوقتي لو عنده طفل واحد الدنيا ضبابية قدامه ومش عارف هيعمل إيه، ولا عارف بكرة مستنيه إيه، وأضافت مريم أمين: بلاش نقول بقوا بخلاء.. ده غصب عنهم، ولو أنتي مش بتشتغلي هيبقى كله عليه، وكلنا الأنبوبة فرقعت في وشنا”.