هاني رمزي يكشف أرقام خيالية في صفقات الأهلي: "صفقة العش بـ60 مليون"
أطلق هاني رمزي رئيس لجنة الاسكاوتنج السابق في النادي الأهلي، تصريحات نارية بسبب تعاقدات النادي الأهلي، وقيمة تلك الصفقات خلال الفترة الماضية.
وقال هاني رمزي في تصريحات تليفزيونية: "مكانش المفروض الأهلي يتعاقد مع محمد شريف، وواحد في السوشيال ميديا زقّه على النادي وقال الحقوا ده معروض على بيراميدز والتعاقد معه كان غلطة".
وأضاف هاني رمزي: "زعلني جداً الفلوس اللي اتصرفت في صفقة مصطفى العش، مفيش مدافع بـ60 مليون والعش كان أقل من المدافعين الموجودين".
وأوضح هاني رمزي: "في صفقة عمر الساعي لما ادفع 50 مليون كان خطأ ولو كنت عاوز تساعد الإسماعيلي كانت تبقي بـ طريقة تانية".
وأشار هاني رمزي: "عمرو الجزار بـ 70 مليون.. وياسين مرعي 45 مليون.. طب ما متزعلش لما الاندية تيجي تطلب منهم لاعب يقولك انا عاوز 100 مليون.. مفيش فرق بين المدافعين في مصر، مفيش مدافع في مصر مميز يمكن حسام عبدالمجيد فقط".
وأكمل هاني رمزي: "الارقام اللي بتدفع لـ اللعيبة في مصر مبالغ فيها، هل اللعيب اللي بيلعب في الدوري المصري بالمردود ده طبيعي ياخد اكتر من لاعب في الدوري الانجليزي او الالماني او الاسباني او الفرنسي.. هل ده يعقل.. هل يعقل ان فيه لاعيبة بتلعب في الدوريات دي مبتاخدش الارقام اللي بعض اللعيبة بتاخدها هنا في مصر".
واختتم تصريحاته: "مفيش لعيب في مصر يستاهل أكثر من 15 أو 20 مليون في الموسم وده يبقى التوب كمان ولازم الأرقام الحالية تتغير".
مواعيد مباريات الأهلي بعد تعديل جدول الدوري المصري:
- الأهلي ضد سيراميكا كليوباترا يوم 7 أبريل الساعة 8 مساء على ستاد المقاولون العرب (الجولة 1)
- الأهلي ضد سموحة يوم 11 أبريل الساعة 8 مساء على ستاد القاهرة الدولي (الجولة 2)
- الأهلي ضد بيراميدز يوم 27 أبريل الساعة 8 مساء على ستاد الدفاع الجوي (الجولة 4)
- الزمالك ضد الأهلي يوم 1 مايو الساعة 8 مساء على ستاد القاهرة الدولي (الجولة 5)
- الأهلي ضد إنبي يوم 5 مايو ويتحدد موعدها لاحقا على ستاد القاهرة الدولي (الجولة 6)
- الأهلي ضد المصري يوم 15 مايو المقبل ويتحدد موعدها لاحقا على ستاد برج العرب (الجولة 7)