شذى تطرح أولى أغاني ألبومها الجديد "زمانك دلوقتي" على يوتيوب
طرحت الفنانة شذى أغنية جديدة بعنوان «زمانك دلوقتي»، وهي أولى أغاني الألبوم الجديد، بالتعاون مع شركة روتانا، وذلك على موقع الفيديوهات يوتيوب، وجميع المنصات الموسيقية.
تفاصيل كليب شذي الجديد بعنوان زمانك دلوقتي
وتدور فكرة كليب “زمانك دلوقتي” في إطار لايت خفيف، حول فكرة محاولات العودة بعد الانفصال.
وتعد “زمانك دلوقتي” أول أعمال شذى مع روتانا ضمن أغنيات عام 2025، والأغنية تم تصويرها بطريقة الفيديو كليب، وهي من كلمات الشاعر عليم، وألحان مصطفى العسال، وتوزيع أحمد حسام وإلهامي دهيمة، وإشراف عام أسامة رشدي، المدير التنفيذي لروتانا بالقاهرة.
ويتضمن المقطع الأول من كلمات الأغنية: “زمانك دلوقتي بتقول يا ريتني معاها زمانك دلوقتي فاكر حاجات نسياه زمانك دلوقتي في عنيك على طول.. زمانك دلوقتي مش لاقي أي حلول يا عيني عيني عليك صعبان عليا تيجي واكسف إيديك رجوع مفيش خلصت لا متلاقيش معلش فضيناها الله يعوض عليك”.
اعتذار شذي لـ تامر حسني
وفي سياق آخر، قدمت المطربة شذى اعتذارًا للفنان تامر حسني، إذ كتبت عبر إنستجرام: من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه، وأكتر واحد برضه عارفني وعارف إني على الله حكايتي ودماغي بتسوحني كتير حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو.